✨ Ní-Kaxxa Qadaare Gannâ-Geyo ✨ [ Qali Cuseen Gayrano ] Qagaba intam Dagoh ikkah Qagaba, Ni Rasow Kusaami Tekkem Qagaba. Farasaay iba Edde Gibbatte Rasu, Qale lekket Giba Akak Gacte Rasu. Moko lekket Saso Akak Gacte Rasu, Duquruuy Maaxagi Akah Gaade Rasu, Tû Malih yemeete Num yedre Rasu, Duquruh yemeete Num Barse Rasu. Mari Akah Gaada Zahab Buule Rasu, Ni Rasow Kû Saami Tekkem Qagaba, Qagaba intam Dagoh ikkah Qagaba, le Migaq Numuk Kalaanam Qagaba. litom Adre KO Kalaanam Qagaba, Ramad Alle Waa Marak Nagra Walu, Qagaba intam Dagoh ikkah Qagaba, Kû Bagul Kù Xaylo Geytam Qagaba. Atû Raysaay Qabalak Cayye Rasu, Atû Raysaay Qabalak Cayye Rasu, Nanu Waydoola Xisak Raage Mara, Atû Waytem Kú Xalay Wee Dadala. Kû Bagul Kû Xaylo Geytam Qagaba, Faxewaanam Kűxalay Ken Sagaba, Cabe Waanam Kû Bagut Yan Zahaba, Cede Waanam Ni Bagut Yan Naqabu. Duma Cinneeh Uxi Cinnam Qagaba, UXI Waytam Kû Baxaay Kol Madaqa, Uxi Cinnam Mari Kol Madqa Mala, Kû Bagul Yemeeti Daffeynah anih, Gicimaay ikoyta Nek Gexxeh anih, Baxi Weeqah Mari yaaxe ina likih. 🟢 Qagaba axcuk Sumaq aymaggelino Mawagarray Naqabut Raage lino, Mabaxacnay Koboxut Raage lino, Mabohynay Niya luk Raage lino, loqo Bar Gaadu Koh Aymagge lino, Kû Bagul Nado Raba aymagge lino, Tama Nammam Cabe Waynam Xagana. Gexeh inti le Urri Tikyat Koh anih, Bagi Cubbi le Urri Makkot Koh anih, Qawi Hirgo le Urri Gaadut Koh anih, Kû Bagul Nado Raba aymagge lino. Ni Bagut Kibuh Muxa aydaadu likih, Darifil Giba Elle Hayna ikke likih, Baaday Rakaakayal Nee Qokolah, Ramad Edde yan Kabuk Goori likih, Ramada inna Wak Qafar Goori likih, Ramada inna Wak Qafar Goori likih. loqo Bar Gaadu Koh aymagge lino, Mala Tittalih Kusaqisneh anih, Fayu Ninni Maaxagak Bet Neh anih, Bagi Xagna Tittalih Hayneh anih, Ugutuuy Maadima Firisneh Anih, Baaday Rasi Adda Wadbisneh anih, Saqalaay Maqanxa Sitta Elle Catah, Mabohoynay Niya luk Gaade lino. Camih iyyam le Mara ankacnu Manan, Giba Xinissa Qalek Katnu Manan, Nanu Ninni ina Marah Cabnu Manan, Duma yublem le Maraay Shakkita Yan. Giti Akak Xeexi Maraay Yufriqe Yan, Gaba Jubbat le Maraay Hirfita yan, Giba Akak Xinte Maraay Garcite Yan, Tamah inkih Nanu Cubbusne Gita, Rabi Xukko Cinna Wak Nee Malafa. linoh Aytik Cami Nek Maaqarina, Bixic Axcih inti Nek Maalifina, Walalah Camit Nanim Makkalina, Garabat Sasoh Nanim Makkalina, Cede Wayteenik Maqaytoonuh ama, Gira Yaagure Urru Tabloonuk ama, Wale Akak Neegeme Gexsoh Tû Matan. Wakalik Naaqure Boolah Tû Matan, Agatak Naaqure Sirrih Tú Matan, Nanu Ninni ina Marah Cabnu Manan, Agatah lino itro Salcisnu Manan, Agatah lino itro Salcisnu Manan. (Qali Cuseen Gayrano Ankuttube Wee Aydaadi Kitaabak Sugte) 🔰 Duddale yaabay inkih inki nummak yaniy Qafár meqe aydaadu kee kinnane baxxaqissa kinniimih taagah... 📖 Kawse kal matatrina ✍️ #Qafartube #Qafariqdah #QafarCulture #creatorsearchinsights - @darasaqaliwiddi82