@ul6_o: رونالدو؟ متغير والله!!!#كرستيانو_رونالدو #cristianoronaldo #رونالدو #foryoupage #foryoupage البرتغال🇵🇹هذا اللاعب البرازيلي الي تجيبه، ويوم أعلنوا عنه الجماهير قلبوا تويتر، والمصممين ما ناموا أسبوع، وكل واحد منزل تصميم ويكتب: "وصل الساحر" و"أهلًا بالفنان" و"الدوري مو مستعد له"، وأنت من الحماس تحفظ اسمه كامل قبل حتى ما يلعب دقيقة. أول مباراة ودية يسوي كبري واحد وتقوم الناس تقول: "يا ساتر وش جبنا!" وثاني مباراة يجيب أسيست وتبدأ المقارنات مع أساطير النادي، وثالث مباراة يضحك للكاميرا وخلاص صار محبوب الجماهير. بعدها يبدأ الدوري، أول كم جولة يعطيك أمل لين ترتفع توقعاتك للسحاب، ثم فجأة يصير إذا استلم الكورة يلف ويرجعها للظهير، وإذا جا انفراد صكها بالمدرج، وإذا جا عرضية طلعها تماس. ومع ذلك كل أسبوع تسمع: "اصبروا عليه بس يتأقلم". ويقعد يتأقلم شهرين، ثلاثة، أربعة، لين تحس الرجال جاي يدرس لغة مو يلعب كورة. وإذا سجل هدف بعد غيبة شهرين تلقى حسابات النادي تنزل المقطع من سبع زوايا، والجماهير ترجع تتحمس وتقول: "رجع الوحش". وبعدها يختفي ست جولات كأنه أخذ إجازة اضطرارية. وإذا لعب ضد فريق كبير ما تدري هو أساسي ولا احتياط، لكن إذا لعب ضد فريق متعثر تلقاه يسوي مهارات ويذكرك ليش تعلقت فيه من البداية. وكل ما فتحت نقاش عنه تلقى واحد يقول: "ترى المدرب مو موظفه صح"، والثاني يقول: "المشكلة بالخطة"، والثالث يقول: "لو عنده مهاجم صاحي كان شفتوا مستواه"، لين توصل مرحلة محد يدري وش مشكلته بالضبط لكن الكل متفق إنه مو ذنبه. وبالأخير إذا مشى من النادي قلت: الحمد لله، وانتهت السالفة. وبعد سنة تلقاه مولع بدوري ثاني، يسجل ويصنع ويأخذ جوائز، وتجلس تطالع وتقول: ياخي يوم كان عندنا كان يجري كأنه راجع من مشوار بالعزيزية وقت الظهر بالصيف، وش اللي تغير؟

سلمان

Open In TikTok:

Region: SA

Friday 26 June 2026 15:37:05 GMT