@dad.sirri: “Səbir ilə halva bişər, ey qora, səndən; Bəsləsən atlas olar tut yarpağından.” Bu mürəbbəni hazırayanda ağlıma gələn😅 Qoz mürəbbəsinin hazırlanması İstifadə olunan ərzaqlar: • 45 ədəd çörpə, içi bərkiməmiş qoz • 1 litr su + 70 qram əhəng • 1 litr su + 10 qram zəy • 1 kq şəkər • 1 litr su (şərbət üçün) Hazırlanma qaydası 1. Körpə, içi bərkiməmiş qozların yaşıl qabığı soyulur və soyuq suya qoyulur. 2. 10 gün ərzində qozların suyu hər gün 5–6 dəfə dəyişdirilir. Hər dəfə təmiz, soyuq su əlavə edilir. Bu müddətdə qozlar mütləq sərin yerdə saxlanılmalıdır. Əks halda qozlar xarab olub çürüyə bilər. 3. Onuncu gün qozlar yuyulur. 1 litr suya 70 qram əhəng əlavə edilərək qarışdırılır. Təxminən 12 saat saxlanılır ki, əhəng dibə çöksün. Daha sonra duru əhəngli su süzülərək qozların üzərinə tökülür və qozlar bu suda 12 saat saxlanılır. 4. Vaxt tamam olduqdan sonra qozlar əhəngli sudan çıxarılır, soyuq su ilə yaxşıca yuyulur və yenidən 5–6 saat soyuq suda, sərin yerdə saxlanılır. 5. Növbəti gün 1 litr suya 10 qram zəy əlavə edilərək qaynadılır. Qozlar çəngəllə bir neçə yerdən deşilir və qaynar zəyli suya salınaraq 20 dəqiqə bişirilir. 6. Daha sonra qozlar qaynar sudan çıxarılıb soyuq suya keçirilir və 1–3 saat soyuq suda saxlanılır. 7. Sonra qozlar adi suda 20 dəqiqə qaynadılır və sudan çıxarılır. 8. Şərbət hazırlanır: 45 ədəd qoza 1 kq şəkər və 1 litr su götürülür. Şərbət hazır olduqdan sonra qozlar əlavə edilir və 10 dəqiqə qaynadılır. Daha sonra ocaq söndürülür və qozlar 4 saat şərbətin içində saxlanılır. Ardınca mürəbbə yenidən ocağa qoyularaq tam hazır olana qədər bişirilir. Beləliklə, qoz mürəbbəsi iki mərhələdə bişirilir və nəticədə qozlar şərbəti daha yaxşı çəkir, rəngi daha gözəl olur, dadı isə daha zəngin alınır.

Dad.Sirri

Open In TikTok:

Region: AZ

Friday 26 June 2026 15:42:44 GMT