احس ادائي تحسن عن السنه اللي فاتت والمهم ان الطعم كان مره لذيذ واستمتعت مره وانا اسويها 🥳 وبس اتمنى السنه هذي وكل السنين الجايه نكون كلنا بخير وصحه وعافيه وراضيين مره على انفسنا والحمدلله دائما وابدا 💗 بالنسبه للوصفه ممكن تحسون الكميه كثيره بس هذي الكميه تطلع ثلاث طبقات كيك بمقاس 19 الى 20 سم فاذا حابين كميه اقل سوو نص الكميه 🌟 كيكه فانيلا مع كريم تشيز وحشوه توت وجوز هند 🤍🎂 مقادير الكيكه ● 480 غ دقيق لجميع الاستخدامات ● 2 ملعقه صغيره بيكنج باودر ● 1 ملعقه صغيره بيكنج صودا ● 1 ملعقه صغيره ملح ● 256 غ زبده طريه بدرجه حراره الغرفه ● 84 غ زيت جوز الهند بدرجه حراره الغرفه ● 450 غ سكر ● 8 بياض بيض ● 2 ملعقه كبيره فانيلا ● 480 مل حليب كامل الدسم + 2 ملعقه كبيره عصير ليمون اخلطوا الحليب مع الليمون واتركوه 10 دقايق لين يصير بتر ميلك اخلطوا الدقيق مع البيكنج باودر والبيكنج صودا والملح اخفقوا الزبده مع زيت جوز الهند والسكر 5 دقايق لين يصير الخليط فاتح بعدها اضيفوا بياض البيض على دفعات ثم الفانيلا اضيفوا الدقيق والبتر ميلك بالتناوب ثلث الدقيق نص البتر ميلك ثلث الدقيق باقي البتر ميلك باقي الدقيق اخلطوا فقط لين يختفي الدقيق ثم قسموا الخليط على ثلاث قوالب او ثلاث دفعات واخبزوه على 180 لمدة 30 الى 40 دقيقه او لين يطلع العود نظيف مهم ● كل المكونات بدرجه حراره الغرفه ● لا تكثرون خلط بعد اضافه الدقيق ● بعد ما تبرد الكيكه لفوها بنايلون وخلوها بالثلاجه ليله كامله بتصير جوسي والذ واسهل بالشغل كريم التشيز ● 200 غ زبده طريه ● 400 الى 500 غ جبن كريمي ● نصف ظرف بودره فانيلا جيلو ● 8 الى 10 ملاعق كبيره سكر بودره ● فانيلا اخفقوا الزبده اول بعدها الجبن الكريمي ثم الفانيلا والجيلو واخيرا السكر البودره وخليت الكريمه تبرد ليله كامله علشان تكون متماسكه اكثر حشوه التوت ● 300 غ توت ● 50 غ سكر ● عصره نصف ليمونه على النار 8 الى 10 دقايق بعدها نتركه يبرد تماما حشوه جوز الهند اخذت ملعقتين كبار من كريم التشيز واضفت له ربع الى نصف كوب جوز هند محلى مع شوي حليب محلى مكثف التجميع شربت كل طبقه بشوي حليب بعدها حطيت طبقه خفيفه من كريم التشيز وحشوه جوز الهند بالطبقه الاولى وحشوه التوت بالطبقه الثانيه ثم غلفت الكيكه بطبقه خفيفه من الكريمه ودخلتها الفريزر نص ساعه وبعدها حطيت الطبقه الاخيره من الكريمه وزينتها بالسبرنكلز والورد وعليكم بالف عافيه 💗🎂🎊 - @noor3_33