@mawliidsuudi5: Dr. Adna Aadan ayaa sheegtay in munaasabadda 26-ka Juun ay tahay maalin xusuus weyn u leh Somaliland, maadaama ay tahay maalintii ay xorriyaddeeda ka qaadatay Boqortooyadii Ingiriiska sannadkii 1960. Waxay sheegtay in Somaliland iyo Soomaaliya ay markii hore ahaayeen laba dal oo kala madax-bannaan, kuwaas oo si iskeed ah u midoobay 1-dii Luulyo 1960. Sida ay Dr. Adna ku dooday, taariikhdaas iyo aragtida Somaliland waa in si cad dunida loogu gudbiyaa, taas awgeedna waxay Madaxweynaha Somaliland ku boorrisay in khudbadda 26-ka Juun lagu jeediyo af-Ingiriisi si ay bulshada caalamku si toos ah u fahmaan fariinta.