@mohamedpharma0: 🚨 بتاخد علاج للحموضة... ولسه الحرقان راجع؟! ممكن المشكلة مش في الدواء... المشكلة في طريقة العلاج! لو عندك: 🔥 حرقان في الصدر بعد الأكل. 🤢 طعم حامض أو مر في الفم. 😴 كحة أو شرقة أثناء النوم. 😖 إحساس إن الأكل واقف في صدرك. 😖 الإحساس بكتله فى الحلق . فدي أعراض شائعة لارتجاع المريء، لكن العلاج لازم يكون صح عشان يجيب نتيجة. 💪 💊 روشتة من أشهر الأدوية المستخدمة لعلاج ارتجاع المريء: 🟠 كونترولوك 40 مجم (Pantoprazole) ✅ يقلل إفراز حمض المعدة من المصدر. 🕘 الجرعة: قرص واحد صباحًا قبل الإفطار بـ30-60 دقيقة. ⚠️ لازم يتاخد قبل الأكل عشان يشتغل بكفاءة. 🟢 جاناتون 50 مجم (Itopride) ✅ يحسن حركة المعدة ويساعدها تفضى بشكل أسرع. ✅ يقلل الإحساس بالامتلاء والانتفاخ والارتجاع. 🕘 الجرعة: قرص قبل كل وجبة بـ30 دقيقة (3 مرات يوميًا). 🔵 جافيسكون شراب ✅ يعمل طبقة واقية فوق محتويات المعدة تمنع ارتجاع الحمض للمريء. ✅ يخفف الحرقان بسرعة خاصة بعد الأكل وقبل النوم. 🕘 الجرعة: 15 مل بعد كل وجبة وقبل النوم إذا لزم الأمر. 💡 لكن الدواء لوحده مش كفاية... ✔️ متنامش قبل الأكل بـ3 ساعات. ✔️ ارفع رأس السرير 10-15 سم لو الأعراض بتزيد بالليل. ✔️ قلل المقليات، الأكلات الحارة، الشوكولاتة، القهوة، النعناع والمشروبات الغازية. ✔️ كل وجبات صغيرة ومتكررة بدل وجبة كبيرة. ✔️ لو وزنك زائد... نزول الوزن من أفضل العلاجات للارتجاع. 🚨 راجع الطبيب فورًا لو: ❌ صعوبة أو ألم عند البلع. ❌ قيء دموي أو براز أسود. ❌ فقدان وزن بدون سبب. ❌ الأعراض مستمرة رغم العلاج. ⚠️ مهم جدًا: الروشتة دي من أشهر بروتوكولات العلاج، لكنها مش مناسبة لكل المرضى، ومدة العلاج والجرعات تختلف حسب الحالة وتشخيص الطبيب. #ارتجاع_المريء #الحموضة #حرقان_المعدة #GERD #كونترولوك

volta_dexa

Open In TikTok:

Region: EG

Friday 26 June 2026 17:50:13 GMT