@zhabaiy_tabigat: Алдыңғы бөлімдердің бірінде мен құмырсқаға ұқсайтын ара туралы айтқан болатынмын. Сөйтсек, кейбір өрмекшілер де дәл сондай айлаға барады. Мына көрініске қарап көріңізші. Қайсысы өрмекші, қайсысы құмырсқа екенін ажырата аласыз ба? Мұқият қараңыз. Ешқандай айырмашылық байқамадыңыз ба? Өрмекші суреттің төменгі оң жақ бұрышында орналасқан. Секіргіш өрмекшілердің кейбір түрлері құмырсқалардан іс жүзінде айнымайды. Тіпті олардың кейбірі бір жұп аяғын көтеріп жүріп, оны құмырсқаның мұртшасы сияқты көрсетеді. Бұл алдамшы өрмекшілер құмырсқалардан тек сыртқы келбетін ғана емес, мінез-құлқына дейін көшіріп алған. Бұл не үшін бұндай әрекетке баратынын қазір білетін боласыздар. Біріншіден, олар бейшара құмырсқаларды оңай аулап жейді. Екіншіден, осы кейіптің арқасында олар құмырсқа илеуіне жайғасып, жайлы өмір сүреді. Өрмекшінің құмырсқаларға басты ұқсастығы тек дене пішіні мен түсі ғана емес. Сонымен қатар өрмекшілер оларға химиялық тұрғыдан да бейімделуді үйреніп алған. Ұұмырсқалардың көру қабілеті нашар болғандықтан, олар бір-бірімен қарым-қатынас жасағанда көбіне иіс сезу және сипап сезу мүшелеріне сүйенеді. Иә, бұл алдамшылар тіпті құмырсқаның иісін шығара алады. Бұлар онымен тоқтамайды, өрмекшілер үш жұп аяғымен жүгіріп. Ал алдыңғы бір жұп аяғын құмырсқаның мұртшасы секілді пайдаланады. Олар тіпті сол «мұртшаларын» құмырсқалар сияқты қимылдатуды да меңгерген. Олардың бейнесін толықтыра түсетін соңғы белгі – құмырсқалар сияқты қимыл қозғалысы. Осылардың арқасында құмырсқалар өрмекшілерден ешқандай айырмашылықты байқамай, құдды бір «троялық ат секілді» өз илеулеріне емін-еркін кіргізеді. Ал әлгі қонақ еш уайымсыз өмір сүріп жата береді. Ең бастысы – өзін әшкерелеп алмау. Өйткені алдауды сезіп қойса, құмырсқалар шақырылмаған қонақтан әп-сәтте құтылады. Секіргіш өрмекшілердің аталықтары ірі жақсүйектері бар жауынгер құмырсқаларға да, ауыр жүк көтеріп жүрген еңбекқор жұмысшы құмырсқаларға да өте ұқсас болып келеді. Міне, ғажап! #өрмекші #жабайытабиғат #fyp

zhabaiy_tabigat

Open In TikTok:

Region: KZ

Saturday 27 June 2026 03:12:21 GMT