سانحہ پیر کلے کل شام نامعلوم افراد نے تالاب کے کنارے بیٹھے ہوئے نوجوانوں پر فائرنگ کی، جس کے نتیجے میں ہمارے تین نوجوان جاں بحق ہوگئے۔ الحمدللہ، ہمارا علاقہ پیر کلے بدرگہ ہمیشہ سے ایک پُرامن علاقہ رہا ہے۔ اس افسوسناک واقعے نے پورے علاقے کو غم اور صدمے میں مبتلا کر دیا ہے۔ ہم حکومتی اداروں، اعلیٰ حکام اور قانون نافذ کرنے والے اداروں سے مطالبہ کرتے ہیں کہ اس واقعے کی فوری، شفاف اور غیرجانبدارانہ تحقیقات کی جائیں، ذمہ دار افراد کو قانون کے مطابق گرفتار کرکے سخت سزا دی جائے، اور متاثرہ خاندانوں کو انصاف فراہم کیا جائے۔ یہ صرف تین خاندانوں کا نہیں بلکہ پورے علاقے کا غم ہے۔ ہم اپنے شہداء کے اہلِ خانہ کے ساتھ کھڑے ہیں اور امید کرتے ہیں کہ قانون کے مطابق جلد انصاف فراہم کیا جائے گا۔ اللہ تعالیٰ ہمارے شہداء کی مغفرت فرمائے، ان کے درجات بلند کرے اور اہلِ خانہ کو صبرِ جمیل عطا فرمائے۔ آمین۔ - @u_ali88