@drkawtharhassan: كل مرة بتوصلني دعوة للمشاركة في برنامج على أي قناة فضائية… بيرتفع الأدرينالين، وتزيد دقات القلب… فرحةً ومسؤولية. أول سؤال بييجي في بالي: يا ترى هقدر أمثل ثقافتي المحلية بالشكل اللي تستحقه؟ وإيه الحاجات والأدوات والمقتنيات اللي ممكن آخدها معايا علشان تعكس جمال تراثنا، وعاداتنا، وأسلوب حياتنا؟ وهنا بيظهر المعنى الحقيقي للدعم… حد يبعت لي على الخاص مراجع موثقة أو كتب مهمة عن تفاصيل الثقافة النوبية. وحد تاني يسألني بكل صدق: “محتاجة أي مساعدة؟ إنتِ بتمثلينا، ولازم كلنا نكون في ضهرك.” وحد غيره يلاقيني محتارة في قطعة تراثية أو ماتريال للحلقة، فيوفرها لي، ويوصلها لحد عندي، بكل حب، ومن غير أي مقابل… إيمانًا منه إن الحفاظ على التراث مسؤولية مشتركة. الجميل إن كل واحد فيهم كان بيعمل دوره لأنه مؤمن إن تقديم صورة حقيقية ومتكاملة عن الثقافة النوبية مسؤولية الجميع، وإن الحفاظ على أصالة تراثنا ونقله بأمانة للأجيال القادمة واجب علينا كلنا. لكل شخص مدّ لي إيده، بمعلومة، أو وقت، أو مجهود، أو كلمة تشجيع… شكرًا من القلب. وجودكم هو اللي بيخلّي أي ظهور إعلامي يمثلنا جميعًا، مش شخصًا واحدًا. 🤍

دكتورة على ما تفرج

Open In TikTok:

Region: EG

Saturday 27 June 2026 09:44:16 GMT