@proto.futbol: 16 Sarı, 4 qırmızı: Tarixi rekordun hekayəsi Dünya Çempionatı tarixinin ən aqressiv oyunlarından biri 2006-cı ildə Portuqaliya və Niderland arasında keçirilib. “Nürnberq döyüşü” kimi tanınan bu səkkizdəbir final matçında Kristiano Ronaldo sərt müdaxilələrdən sonra zədələnərək göz yaşları içində meydanı tərk edib. Gərginlik oyun boyu davam edib. Baş hakim Valentin İvanov Dünya Çempionatı rekorduna imza ataraq 16 sarı və 4 qırmızı vərəqə göstərib, matçın sonunda isə hər iki komanda 9 nəfərlə qalıb. Hətta bir epizodda niderlandlı futbolçular topu rəqibə qaytarmaq əvəzinə hücuma keçərək gərginliyi daha da artırıblar. Portuqaliya Manişenin qolu ilə 1:0 hesablı qələbə qazansa da, bu qarşılaşma daha çox rekord sayda vərəqə ilə yadda qalıb. Oyundan sonra FİFA prezidenti Sepp Blatter zarafatla bildirib ki, hakim Valentin İvanov özünə də sarı vərəqə verməli idi. #futbol #protofutbol #idman #portugal #ronaldo
