မြန်မာနိုင်ငံဟာ ဂျပန်ယန်းငွေ သန်း ၁၆၈၀ တန်ကြေးရှိ အသေးစား ဂြိုလ်တု(Micro-satellite)နှစ်စင်းအား မြန်မာနိုင်ငံ လေကြောင်းနှင့်အာကာသပညာ တက္ကသိုလ် (MAEU) နှင့် ဂျပန်နိုင်ငံ ဟော့ကိုင်းဒိုးတက္ကသိုလ်/တိုဟိုကုတက္ကသိုလ် တို့နှင့်ပူးပေါင်းတည်ဆောက်ရန် ၅ နှစ်သက်တမ်းရှိစီမံကိန်းတစ်ရပ်အား ၂၀၁၉ ခုနှစ် စက်တင်ဘာလ ၁ ရက်နေ့မှာ တရားဝင်စတင်ပူးပေါင်းလုပ်ဆောင်ခဲ့ကြပါတယ်။ထိုစီမံကိန်းထဲမှာတော့ ၅၀ ကီလိုဂရမ်အလေးချိန်ရှိ MMSAT-1နှင့်MMSAT-2 (မြန်မာအမည် /လောကနတ်-၁နှင့်၂)အမည်ရ အသေးစားဂြိုလ်တုနှစ်လုံးအား ပူးပေါင်းတည်ဆောက်ရန်/မြေပြင်အသေးစားဂြိုလ်တုထိမ်းချုပ်ရေးစခန်းတည်ဆောက်ပေးရန်/အသေးစားဂြိုလ်တု(Micro-Satellite)တည်ဆောက်နိုင်မဲ့ ဂြိုလ်တုလက်တွေ့တည်ဆောက်စမ်းသပ်ခန်းတို့အားမြန်မာနိုင်ငံအတွက်တည်ဆောက်ပေးရန်/နည်းပညာလွှဲပြောင်းပေးမှုအနေဖြင့်သင်တန်းသား(၁၄)ဦးအားလေ့ကျင့်ပေးရန်နှင့်လုပ်ငန်းခွင်လက်တွေ့ပညာရှင် ဆရာ/ဆရာမ (၇)ဦးတို့အား လေ့ကျင့်ပေးရန်တို့ပါဝင်ပါတယ်။စီမံကိန်းပထမခြေလှမ်းအနေဖြင့် မြန်မာနိုင်ငံ၏ပထမဆုံး ကိုယ်ပိုင်ဂြိုလ်တုဖြစ်လာမဲ့ လောကနတ် - ၁ (MMSAT-1)ကို ၂၀၁၉ ခုနှစ် စက်တင်ဘာလ ၁ ရက်နေ့တွင် စတင်ပူးပေါင်း တည်ဆောက်ခဲ့ကြပြီး တစ်နှစ်ခွဲအကြာ(၂၀၂၀ ခုနှစ် အောက်တိုဘာလ)တွင် ရာနှုန်းပြည့်အပြီးသတ်တည်ဆောက်နိုင်ခဲ့ကာ ၂၀၂၁ ခုနှစ် မတ်လ ၂၃ ရက်နေ့တွင်ကမ္ဘာ့အာကာသစခန်း (ISS) မှတစ်ဆင့် ကမ္ဘာပတ်လမ်းကြောင်းထဲသို့အောင်မြင်စွာလွှတ်တင်နိုင်ခဲ့ပါတယ်။ထို့နောက်ပိုင်းမြန်မာနိုင်ငံ၏နိုင်ငံရေးအခြေအနေဖြစ်ပေါ်လာမှု များကြောင့် လောကနတ်-၂ (MMSAT-2)တည်ဆောက်ရေးကိုမူဖျက်သိမ်းခဲ့ရကြောင်းသိရှိရပါတယ်။သို့သော်လည်း သင်တန်းသားများ လေ့ကျင့်ရေး / မြေပြင်ဂြိုလ်တုထိမ်းချုပ်ရေးစခန်းနှင့်ဂြိုလ်တုလက်တွေ့စမ်းသပ်တည်ဆောက်ရေးစခန်းတို့ကိုမူ ၂၀၂၀ ခုနှစ် ဒီဇင်ဘာလထဲကစီမံကိန်းအပြီးသတ်ခဲ့ကာ မြန်မာနိုင်ငံမှ လက်ခံရရှိခဲ့ပြီးဖြစ်ပါတယ်။နှောင်းပိုင်းနိုင်ငံရေးအခြေအနေဖြစ်ပေါ်မှုများကြောင့် မြန်မာတို့၏ ကိုယ်ပိုင်ဂြိုလ်တုတည်ဆောက်နိုင်ရေးအိမ်မက်ဟာ အလှမ်းဝေးကွာခဲ့ရပြီး ၂၀၂၅ ခုနှစ် သြဂုတ်လအတွင်းက သမ္မတကြီးရဲ့ တရုတ်နိုင်ငံထိပ်သီးအစည်းအဝေး ခရီးစဥ်အတွင်းမှာ လက်ရှိနိုင်ငံရေး တိုးတက်လာမှုအခြေအနေများနှင့်အတူ ကိုယ်ပိုင်ဂြိုလ်တု တည်ဆောက်နိုင်ရေး အိမ်မက်ဟာလည်း ပြန်လည်အသက်ဝင်လာခဲ့ပါတယ်။အခုရက်ပိုင်း သမ္မတကြီးရဲ့တရုတ်နိုင်ငံ ပူပူနွေးနွေးခရီးစဥ်မှာလဲပေကျင်း အာကာသမြို့တော် (Beijing Aerospace City) ကိုဝင်ရောက်လေ့လာခဲ့သလို သမ္မတရုံးပြောရေးဆိုခွင့်ရှိသူ ဒေါက်တာခိုင်ခိုင်စိုးမှလည်း များမကြာမှီ တရုတ်နိုင်ငံနှင့်မြန်မာနိုင်ငံတို့ ပူးပေါင်းကာ ဂြိုလ်တုတစ်လုံးလွှတ်တင်မဲ့အကြောင်းကို အခုလ ဇွန်လ ၂၀ ရက်နေ့က တရာဝင်းထုတ်ဖော်ပြောကြားခဲ့ပြီးဖြစ်ပါတယ်။ သို့ဆိုလျှင် အသေးစားဂြိုလ်တုလက်တွေ့တည်ဆောက်ရေးစမ်းသပ်ခန်းရှိတဲ့မြန်မာနိုင်ငံဟာ အကြောင်းကြောင်း ကြောင့် တိမ်မြုပ်ခဲ့ရသည့် မြန်မာတို့၏ ကိုယ်ပိုင်ဂြိုလ်တုတည်ဆောက်ရေး စီမံကိန်းကို တရုတ် ပေါက်ဖော်ကြီးတို့ရဲ့အကူအညီဖြင့် ပြန်လည်အသက်သွင်းရင်း များမကြာမှီနှစ်များအတွင်း မြန်မာလုပ်ဂြိုလ်တုငယ်များ မြန်မာ့ကောင်းကင်ယံတွင် မြင်တွေ့လာရဖွယ်ရှိကြောင်း ဂုဏ်ယူစွာဖော်ပြလိုက်ပါတယ်ခင်ဗျား...(ဤဆောင်းနှင့်ပက်သက်၍တစ်စုံတစ်ရာမှားယွင်းရှိခဲ့ပါကကျွန်တော် BURMA(B.I.A)၏အားနည်းချက်သာဖြစ်ပါတယ်ခင်ဗျား)လေးစားစွာဖြင့်@BURMA(B.I.A) - @burmab.i.a3