@awswalaila: بعلمها الطريقة الصح، بتأكد إنها فهمت، وبضل قريب منها. لكن بعدين ما بضل فوق راسها أحكي: ديري بالك. انتبهي. لا تمسكي من هون. لأني بدي أوصل لها ثقتي فيها بتصرفاتي، مش بس بكلامي. التنبيه المستمر ممكن يخلي الطفل يتوتر، يشك بقدرته، ويركز على خوفنا أكثر من تركيزه على المهمة نفسها. أما لما أكون قريب، منتبه، لكن ساكت وهادي، أنا بوصلها رسالة واضحة: أنا شايفك… وأنا واثق إنك قادرة. مرات أفضل دعم ممكن نقدمه للطفل هو إننا نعلّمه منيح… وبعدين نعطيه مساحة يجرب بهدوء.