@t4aamm: مەترسیدارترین قۆناغ لە مێژووی داڕمانی دەروونی و فیکریی کۆمەڵگادا، ئەو چرکەساتەیە کە تێیدا پێوەرەکانی بەها تەواو سەرەوژوور دەبن، کاتێک دەبینیت کەسانی بەتاڵ، بێسوود و بێبەهرە دەبنە سەنتەری تەرکیز و پێشەنگی شاشەکان، ئەم دیاردەیە نیشانەیەکی ڕوون و حاشاهەڵنەگری تەسلیمبوونی مێشکی بەکۆمەڵی خەڵکە بە پووچگەرایی. گەورەکردنی مرۆڤی کەمبەها لە ڕاستیدا تەنها یەک شت دەسەلمێنێت: کە کۆمەڵگەکە لە دۆخی کۆمایەکی دەروونی قووڵدایە و توانای جیاکردنەوەی ئەڵماس و خەڵووزی لەدەستداوە.کاتێک جەماوەر چەپڵە بۆ نەزانی لێدەدات و کات و سەرنجی خۆی پێشکەشی پووچی دەکات، ئەوا بە ئاگا یان بێئاگا، بڕیاری سێدارە بەسەر بەهرەی ڕاستەقینە، عەقڵانییەت و داهێناندا دەدات. ئەمە تەنها ناوبانگێکی کاتی نییە، بەڵکو ڕەنگدانەوەی دەروونێکی تێکشکاو و بێئومێدی گشتییە کە چیتر بەرگەی قووڵی زانست و جوانیی ڕاستەقینە ناگرێت و پەنا بۆ سەرگەردانی دەبات.#kurdish #kurdistan #foryou #tiktok

تــــەم.

Open In TikTok:

Region: IQ

Saturday 27 June 2026 15:05:38 GMT