إن شاء الله لما أرتبط رسمي مش هتلاقوني منزل صورة ماسك إيدها ولا كاتب "خطيبتي" ومنزل صورتها والناس كلها تتفرج العلاقة دي بالنسبالي خط أحمر حاجة غالية ومقدسة معمولة علشان تعيش في الحقيقة مش علشان نجمع بيها لايكات وكومنتات
مش هقبل أبداً إن ملامحها أو ضحكتها تكون متاحة لأي حد يمر على الشاشة يدقق في شكلها أو يقارنها بغيرها ليه أحط نفسي وأحط بنت الناس في موقف زي ده الأكونت بتاعها مش هيبقى مشاع لأي حد يدخل يقلب فيه لمجرد إنها بقت تخصني
عدم نشر صورها مش معناه مداراة أو قلة حب بالعكس ده قمة الحب والتقدير اللي بيحب حاجة بجد بيحافظ عليها لنفسه بيخبيها عن العيون علشان تفضل نقية دي الإنسانة اللي هتشيل اسمي وتشاركتي عمري وتكون أم ولادي في المستقبل إن شاء الله
الحب الحقيقي بيكون في البيوت في المواقف وفي الخوف عليها في غيابها قبل حضورها السوشيال ميديا بقت مليانة طاقة سلبية وحوارات إحنا في غنى عنها لما ربنا يجمعني بيها هكون الراجل السند اللي بيحميها بجد وبيصون الأمانة اللي أهلها سلموهالي قدام ربنا بأفعالي ورجولتي مش بشوية صور 🤍🤍🤍🤍🤍
2026-06-28 18:55:21
0
🔥𝙃𝙊𝙎𝙎𝘼𝙈🅴🅻🅳🅰🅻🆈🔥 :
👍🏻👍🏻👍🏻👍🏻
2026-06-28 11:19:54
0
مِـنّهہ ﷲ🧕🏻 :
👏🏻
2026-06-27 23:26:03
1
حور العين :
😊😊😊
2026-06-27 17:06:32
1
راقب نفسك :
🥰
2026-06-28 12:21:36
1
To see more videos from user @youssefatef598, please go to the Tikwm
homepage.