@douarouladrami: 160 مليون درهم… 16 مليار سنتيم لإعادة تأهيل ساحة جامع الفنا. السؤال اللي كيطرحو بزاف ديال المغاربة ماشي هو واش خاص الساحة تتصلح، بالعكس، جامع الفنا معلمة عالمية وتستحق العناية. ولكن السؤال الحقيقي هو: واش النتيجة اللي كيشوفها المواطن اليوم كتساوي فعلاً 160 مليون درهم؟ المواطن البسيط ملي كيسمع رقم بحال هاد الميزانية، كيتوقع يشوف مشروع استثنائي بكل المقاييس. لكن بزاف ديال الناس عبّروا على مواقع التواصل الاجتماعي على استغرابهم من المظهر النهائي، وبدؤوا يتساءلون: فين مشات هاد الاعتمادات المالية كلها؟ (Le 360 Arabe) النقاش هنا ماشي ضد الاستثمار فمراكش، وماشي ضد تأهيل جامع الفنا، وإنما مع حق المواطن يعرف: * كيفاش تصرفت 160 مليون درهم؟ * شنو هي الأشغال اللي تدخلات فهاد الغلاف المالي؟ * واش كاين تقرير مفصل يوضح الكلفة ديال كل مكون؟ * وكيفاش تم تقييم جودة الأشغال مقارنة بالمبلغ المرصود؟ فالمال العام خاصو الشفافية، وكلما كانت الميزانية كبيرة، كلما كان من حق المواطنين يطلبوا توضيحات أكثر، لأن الثقة كتتبنى بالمعلومة، والمحاسبة، والتواصل الواضح. 160 مليون درهم رقم كبير، ومن الطبيعي أن يفتح باب التساؤل، وليس من الطبيعي أن يُعتبر مجرد طرح الأسئلة أمراً غير مقبول. #المغرب #morocco #المال_العام_مسؤولية

douarouladrami

Open In TikTok:

Region: DE

Saturday 27 June 2026 15:31:36 GMT