"الطفل ياكل إيه من عمر 6 شهور؟ لما طفلك يتم 6 شهور، كل الخضار مسموح، كل الفواكه مسموح، كل الحبوب مسموح، كل البروتينات مسموح. أمّال إيه اللي مش مسموح؟ مش مسموح: الملح، السكر، عسل النحل، وشرب الحليب الطبيعي. الأربعة دول بعد عمر سنة. كل ما عدا ذلك ينفع نديه للطفل من بعد الشهر السادس بس بشروط، إيه الشروط دي؟ أول حاجة: لو بتدخلي صنف جديد للطفل، ادي كمية صغيرة في الأول علشان نشوف الطفل عنده حساسية ولا لأ، لو ظهر على الطفل أعراض حساسية وقّفي، لو مظهرش أعراض حساسية زودّي بالتدريج. لو عايزين تعرفوا أعراض حساسية الطعام عند الأطفال، اكتبي لي عمر طفلك في التعليقات. تاني حاجة: بندخل صنف جديد للطفل كل 3 أيام. تالت حاجة: قدّمي الأكل للطفل في قوام مناسب للبلع بالنسبة لطفلك، وتقّلي القوام أو خشنّي القوام واحدة واحدة طول ما إنتي ماشية. رابع حاجة: خلي طريقة تحضيرك للأكل تبقى خفيفة، يعني أكل مسلوق هيبقى كويس جداً. خامس حاجة: تنويع أكل الطفل أهم مليون مرة من الكميات، طالما نمو طفلك طبيعي. #creatorsearchinsights #guides_for_moms #fyp #اطفال #اكسبلور؟ - @guides_for_moms