@55.55.555.555.8: Hadii aad dareemi lahayd sida aan kugu xiiso marka aad iga maqan tahay, waxaad ogaan lahayd in daqiiqad kasta oo aanan codkaaga maqlin ama fariintaada arkin ay qalbigayga uga dhigto saacado dhaadheer. Mar kasta oo aan telefoonkayga fiiriyo waxaan rajaynayaa inaan magacaaga arko, waayo fariin yar oo kaa timaadda waxay maalintayda oo dhan u beddeshaa farxad aan la qiyaasi karin. Adigu ma tihid qof aan jeclahay oo keliya, waxaad tahay qofka qalbigaygu ku nasto, qofka fikirkiisu igu soo dhaco subax kasta iyo habeen kasta. Mararka qaar waxaan is iri, sidee ayuu hal qof qalbi dhan ugu noqon karaa deggenaansho, farxad iyo rajo isku mar? Jawaabta aan helo mar walba waa adiga. Marka aad ila hadasho waxaan dareemaa in dhibaato kasta oo i haysatay ay yaraato. Marka aad iga maqnaatana wax walba waxay u muuqdaan kuwo aan dhammaystirnayn. Ma aha inaanan dadka kale la hadlin, balse qalbigaygu wuxuu sugayaa codkaaga iyo erayadaada oo keliya. Waxaad noqotay qof aan maalin aanan xusuusan karin, qof aanan seexan ka hor inta aanan ka fikirin. Waxaan jeclaan lahaa inaad ogaato in jacaylkaygu uusan ahayn hadal aan maanta kuu sheegayo oo berri is beddelaya. Waa dareen maalin kasta sii xoogaysanaya, waana ballan aan qalbigayga kula galay inaan ku jeclaado, ku qaddariyo, kuna ilaaliyo inta aan awoodo. Farxaddaydu waa marka aan ogaado inaad dhoolla-caddaynayso. Murugadayduna waa marka aan dareemo inaad iga fog tahay. Haddii aan heli lahaa hal hami oo keliya, wuxuu ahaan lahaa inaan mar walba kuu noqdo qofka ku siiya nabad, kalsooni iyo jacayl aan dhammaan. Waxaan rabaa inaad xasuusato hal shay oo keliya: meel kasta oo aad joogto, waqti kasta oo ay tahay, waxaa jira qalbi si dhab ah kuu jecel, kuu xiisa, kuu duceeya, kuna farxa jiritaankaaga. Adiga ayaana tahay qofkaas uu qalbigaygu u garaaco. Waxaan rajaynayaa in maalin walba aan kuu noqdo sababta aad u dhoolla-caddayso, sida aad adiguba mar walba ii tahay sababta aan u farxo. Waligay kama daali doono inaan ku iraahdo waan ku xiisay, waan ku qaddariyaa, waanan ku jeclahay, sababtoo ah eray kasta oo aan kuu qoro wuxuu ka yimaadaa qalbi daacad kuu ah, qalbi aan weligiis ka daali doonin jacaylkaaga. ❤️🥹

Muعaashaق. 🤎🤴

Open In TikTok:

Region: SO

Saturday 27 June 2026 17:27:32 GMT