@aadil_sarkani: میری آنکھوں کو نہیں بھاتا ہر منظر، مجھ جیسے لوگ ہر کسی سے متاثر نہیں ہوتے۔ کیونکہ ہم چہروں کی چمک نہیں، کردار کی روشنی دیکھتے ہیں۔ ہمیں اونچی آوازیں، بڑی بڑی باتیں اور دکھاوے کی چکاچوند متاثر نہیں کرتی۔ ہم اُن چیزوں میں خوبصورتی تلاش کرتے ہیں جنہیں اکثر دنیا نظر انداز کر دیتی ہے۔ تلخ حقیقت یہ ہے کہ آج کے دور میں لوگ حقیقت سے زیادہ نمائش سے متاثر ہوتے ہیں۔ کسی کے کپڑے، شہرت، دولت یا حیثیت دیکھ کر اُس کی تعریف شروع کر دیتے ہیں۔ مگر خوددار اور گہری سوچ رکھنے والے لوگ جانتے ہیں کہ ہر چمکتی ہوئی چیز قیمتی نہیں ہوتی اور ہر مشہور شخص قابلِ احترام نہیں ہوتا۔ ہم اُن لوگوں میں سے نہیں جو ہر دوسرے شخص سے متاثر ہو جائیں۔ کیونکہ جس نے زندگی کی حقیقتیں دیکھ لی ہوں، دھوکے کھائے ہوں اور لوگوں کے اصل چہرے پہچان لیے ہوں، وہ پھر صرف ظاہری چیزوں سے متاثر نہیں ہوتا۔ اُس کے معیار بدل جاتے ہیں، اُس کی نظر بدل جاتی ہے اور اُس کی پسند بھی عام نہیں رہتی۔ اس لیے اگر ہم ہر کسی کی تعریف نہیں کرتے، ہر شخص سے متاثر نہیں ہوتے یا ہر منظر کو خوبصورت نہیں کہتے، تو یہ غرور نہیں بلکہ تجربے کا نتیجہ ہے۔ کیونکہ وقت سکھا دیتا ہے کہ ہر چیز جیسی نظر آتی ہے، ویسی ہوتی نہیں۔ جو لوگ اپنی قدر جانتے ہیں، وہ ہر چمک کے پیچھے نہیں بھاگتے۔ وہ جانتے ہیں کہ اصل خوبصورتی کردار میں، اصل طاقت خاموشی میں اور اصل عظمت انسان کے رویے میں ہوتی ہے۔#faryou #faryoupage @hammadsarkani @Waheed khosa😎 @AQeel Baloch @︻┳デ═— سچّا پِتافی ‿✶🍁 @❤️ سردار سکندر سائیں❤️ @🥀ڈیرے دا سردار 🥀 @QadیR🥷Saرkani 🥷 @Raja khan 786 @♠️عدیل خان🚫