هاي اكو مره عدها 8 ولد وخمس بنات بس الولد افحله يعني زلم معنى الكلمه موش بس حجي لا زلم ينحطون على يمناكم والبنات معدلات هاي المراه توفى زوجها وضلت هي ترعي هاي دوله من الزلم والبنات المراه اسويسريه يعني من نسوان گبل بس بيه شغله وحده محلوه وهي الحقد هاي من زوجت وجان بيتها يم بيت عيالها واخوان زوجها هواي نعمه من الله وعمات ولدها هم خير من الله بس هي من مات زوجها عافت عيالها وطلعت من سلف راحت بسلف الي بيه اهلها وخذت ولدها وبناتها ومشت راحت ايام واجت ايام ودخلو الولد مدارس وصارو كبار ودخلو جامعات وصارو احسن الوظايف هم وخواتهم لكن هاي سنين كله هم مايعرفون عمامهم بس باالاسم العشيره ومن يجي واحد من عمامهم خطيه ينطرد بحيث ماتخلي يشوف ولد اخوه ضلت ع هل منوال ذاك اليوم واحد من ولدها حب ابنيه والبنت كلش جميله وياه بالجامعه بس بغير قسم وضل وي هاي البنت منا نمن تخرجو هو صارحه كالها انه حبيتج ورايدج ع سنة الله ورسوله گالتله مابيه شي بس انه عندي ولد عمامي وهم دايمن يحجون بيه الواحد من ولدهم وبصراحه انه رافضه ماريد ازوج من ولد عمي لئن لادارسين لا متعلمين ومشاكل دوم بسلف وبصراحه وهل تشوف انه جاي ادرس طب وهذا مايتأقلم معي شهادتي ودراستي گال والحل شلون كالتله شوف اهلك وفاتحهم بالموضوع هذا هم اجه الامه وسولف سالفته همه گالتله اي زين سوي بس البنت منين من ياعمام ياسلف گال ماسئلتها بهاي المواضيع گال انه من اشوفه اسئلها المهم اجت ثاني يوم وسئل البنت گالتله اني اسمي فلانه بنت فلان جدي الفلاني والعشيره الفلانيه گالها سبحان الله اسم جدج وعشيرتج نفس شي وياي الولد مانتبهه بان هدالبنت اتصير بنت عمه الح بس بعد ناس المثقفه ماتنتبهه ع هيج امور صراحه المهم رجع البيت ومكيف لئن البنت طلعت من نفس العشيره من سولف الامه امه نكمش كلبها گالها تسئلها امها شسمهه وام ابوها شسمها وكم عم عدها وعمه واسماهن هذا الولد مافتهم سالفه هم سئل البنت البنيه ضحكت گالت شنو هاي امك تسئل وتدقق المهم سولفتله كلشي گال الامه يمه هاي اسماهم كلهم گالتله وانت عرفتها گال گالتله هاي البنت ماتفيدك گال شلون ليش انتي تعرفينها گالت اي جنت حاطين يمهم بسلف الفلاني الولد ضاج كلش لئن امه رفضت البنت والبنت حبابه المهم اخر لقاء وي البنت گالتله اليوم تروح وياي البيت يريد يشوفك ابوي وعمامي الولد كيف دخل المظيف ولتمو عليه اول ماسئلوه ع ابوه وگال اسمه كامل واسم امه وخواله صار البجي وثغيب الولد ضل فاك حلكه والبنت هم كذالك گالولها ولج هذا ابن عمج فلان الله يرحمه اخذتهم مرت عمج وهم صغار وترددنا عليهم مره مرتين بس هيه تشحتنه ومتخليهم يشوفونا او نشوفهم واحنه مانكدر لئن هي ام وكل الحق وبذاك الزقت ماردنا اتصير مشاكل بس سبحان الله مايريد غصن من شجره ينمحي اثره وعمج خوش زلمه وهي هم خوش مره معدله وعفيفه وتعبت وسهرت احنه مانكدر انكول لا زهذا حق من حقوقها لكن هي رادت شي والله راد شي اخر المهم صار تواصل بين العمام ولد اخوهم وتعرفو ع عمامهم ولد عمامهم بس المره ضلت حاقده ع عيالها وعلمآ عيالها ناس خيرين وماعدهم اي باطله وياها بس بعد الحقد بدون سبب لئن هم غربه عليها رباط سالفه الحقد والحسد مايولد له القطيعه صلة رحم مهما اسون لابد ويجي يوم ويرجع كلشي المكانه بس مرات اكو ناس تعرف هذا شخص حقود بس المقابل دائمآ ينصدم ليش فلان او فلانه حاقدين عليه شنو سبب واذا وجد سبب يكون سبب حشاكم تافهه شنز ذنب الاطفال لي بعد عمر طويل يلا يعرفون بعمامهم حرام صح انتي ام لكن هولاء اهلهم شكد ماتبتعدين لازم للبنت او الولد يحتاج عمامه وعشيرته مايصير انتي تمنعين اولاد من عمامهم وخصوصآ اذا كان العم ونعم العم ونعم العمام بس يمكن البعض ميرادون صح بس هذا مو من حق احد يمنع لا غلط وميجوز ف الحقد مرات يولد ويصير وراثه واذا صار وراثه يعني هنا دخلتم بأاثم وهو قطع الارحام وهذا الله عز وجل مايشم ريحة جنه الي يقطع صلة رحم متعمد او غير متعمد مهما كان صلة رحم مريوده لئن طول العمر - @vnfiv2