လှဲအိပ်ပြီး ဖုန်းကြည့်များတဲ့သူတွေ မဖြစ်မနေ သိထားသင့်တယ် လှဲအိပ်ပြီး ဖုန်းအကြည့်များရင် ဖြစ်လာနိုင်တဲ့ နောက်ဆက်တွဲ ဆိုးကျိုးများကို လေ့လာသိရှိနိုင်စေဖို့ ဖော်ပြပေးလိုက်ပါတယ်။ ညညဆို ဖုန်းကို ဇိမ်လေးနဲ့ လှဲကြည့်ရတာ ကြိုက်တဲ့သူလား။ ဒါဆိုရင်တော့အခုကစပြီး ဒီလို မကြည့်ကြဖို့အတွက် ပြောပြရစေ။ အခုခေတ်မှာ လူကြီးလူငယ်မရွေး လူအများစုက ဖုန်းကို ညဘက်တွေမှာ ပိုပြီးအသုံးများကြပါတယ်။ သုံးတဲ့အချိန်မှာလည်း အထူးသဖြင့် အိပ်ယာပေါ်မှာ ဇိမ်လေးနဲ့ ပက်လက်လှန် လှဲလျောင်းရင်း သုံးတာမျိုး ပိုပြီး လုပ်တတ်ကြပါတယ်။ ဆိုတော့... ဒီလို အသုံးများရင် ဘာတွေ ဆိုးရွားစေနိုင်သလဲ။ ဒီလိုသုံးခြင်းရဲ့နောက်ဆက်တွဲမှာရော ဘာတွေ ဆက်ဖြစ်လာနိုင်သလဲ ဆိုတာကို ဖော်ပြပေးပါမယ်။ လှဲအိပ်ပြီး ဖုန်းအကြည့်များရင် ဖြစ်လာနိုင်တဲ့ နောက်ဆက်တွဲ ဆိုးကျိုးများ....... (၁) မျက်လုံးသူငယ်အိမ်ကို စောင်းစေတယ် ပက်လက်လှန်ပြီး ဖုန်းကို ကြည့်တာဟာ မျက်လုံးရဲ့သူငယ်အိမ်ကို စောင်းသွားစေနိုင်တယ်လို့ ကျွမ်းကျင်မျက်စိဆရာဝန်ကြီးတွေက ဆိုကြပါတယ်။ အထူးသဖြင့် အချိန်အကြာကြီး ဖုန်းကို ပက်လက်လှန်ပြီး ကြည့်တဲ့သူတွေ၊ မကြျလုံးပါဝါ များတဲ့ မျက်မှန်သမားတွေ၊ စလင်ဒါများတဲ့သူတွေမှာ ပိုဖြစ်ကြတယ်လို့လည်း ပြောထားပါသေးတယ်။ (၂) အကြောအချဉ်တွေ ညောင်းညာစေတယ် တကယ်တော့ ပက်လက်လှန်အိပ်ပြီး ကြည့်တာက ဇိမ်ကျတယ်လို့ ထင်ရပေမယ့် ကြာလာတဲ့အခါ အကြောအချဉ်တွေ ပိုပြီး ညောင်းညာစေပါတယ်။ အထူးသဖြင့် လက်မောင်း၊ ဇက်ကြော နဲ့ ဂုတ်ကျောတွေကို ညောင်းညာစေတဲ့အပြင် ကြာတဲ့အခါ အကြောဆိုင်းလာတာမျိုးတွေ အထိပါ ဖြစ်လာစေနိုင်ပါတယ်။ (၃) မျက်နှာ အသားရည်ကို ထိခိုက်ပျက်စီးစေနိုင်တယ် ပက်လက်လှန်လှဲပြီး ဖုန်းကို ကြည့်တဲ့အခါ မျက်နှာနဲ့ အလင်းရောင်က ပုံမှန်ထက်ကို ပိုတဲ့ နီးကပ်တဲ့ ထိတွေ့မှုကို ခံစားရမိမှာပါ။ အချိန် ခဏလေးက ပြဿနာ မဟုတ်ပေမယ့် ကြာလာတဲ့အခါ မျက်နှာ အသားအရည်နဲ့ မျက်နှာပေါ်က ဆဲလ်အနုလေးတွေကို ထိခိုက်ပျက်စီးစေတာကြောင့် ပက်လက်လှန်ပြီး သုံးတာမျိုးကိုတော့ (လုံးဝ)ရှောင်စေချင်ပါတယ်။ ကဲ...အခုဆိုရင် လှဲအိပ်ရင်း ဖုန်းကြည့်တဲ့အကျင့်ရဲ့ ဆိုးကျိုးတွေကို သိပြီဆိုတော့ နောက်ဆိုရင် ဖုန်းကို ကြည့်တဲ့အခါ ပက်လက်လှန် လှဲလျောင်းပြီး အကြာကြီး ကြည့်တာမျိုးကို မလုပ်သင့်ဘူးဆိုတာ အကြံပြုလိုက်ပါရစေ။ သိထားသင့်တဲ့ ကျန်းမာရေး ဗဟုသုတဖြစ်လို့ ပြန်လည်မျှဝေပေးခြင်းဖြစ်ပါသည်။ - @charcoal.nyein