කුවේටයට එල්ල වූ මිසයිල සහ ඩ්‍රෝන ප්‍රහාර රැල්ලකට ගුවන් ආරක්ෂක පද්ධති ක්‍රියාත්මක වෙයි කුවේට් රාජ්‍යයේ ගුවන් සීමාව ආක්‍රමණය කරමින් එල්ල වූ සතුරු මිසයිල සහ නියමුවන් රහිත ඩ්‍රෝන යානා ප්‍රහාර මාලාවකට එරෙහිව එරට ගුවන් ආරක්ෂක පද්ධති (Air Defence Systems) මේ වන විට සක්‍රීයව ප්‍රතිප්‍රහාර එල්ල කරමින් සිටින බව කුවේට් හමුදාව නිල වශයෙන් ප්‍රකාශ කරනවා. කුවේට් යුද හමුදාවේ මහා මණ්ඩල කාර්යාලය (General Staff) සිය නිල 'X' ගිණුම ඔස්සේ නිවේදනයක් නිකුත් කරමින් සඳහන් කරන්නේ, රට තුළ ඇසෙන පිපිරුම් හඬවල් සතුරු ප්‍රහාර ගුවනේදීම විනාශ කිරීමේදී (Interceptions) සිදුවන ඒවා බවයි. පවතින දැඩි අවදානම් තත්ත්වය හමුවේ වහාම ක්‍රියාත්මක වන පරිදි ආරක්ෂිත ස්ථාන (Shelters) කරා ගොස් රැකවරණය ලබා ගන්නා ලෙසත්, ආරක්ෂක අංශ මඟින් නිකුත් කරන උපදෙස් ඒ අයුරින්ම පිළිපදින ලෙසත් එරට රජය මහජනතාවගෙන් හදිසි ඉල්ලීමක් කරනවා. #HiruNews #HiruNewsLK #TruthAtAllCosts - @hirunews