@muuh_87: Nina watoto watatu wote wameoa. Siku moja nilikwenda kwa mtoto wangu mkubwa, na nilikusudia kulala kwao. Asubuhi yake niliomba maji ya udhu kutoka kwa mkewe. Nikaoga na nikasali, kisha nikamwaga yale maji yaliyosalia ktk kitanda nilicholala juu yake. Mkamwana aliponiletea chai, nikamwambia: ‘Binti yangu, nimekojoa kitandani, huu ni udhaifu wa wazee.’ Akashtuka sana, akanitukana kwa maneno mabaya, kisha akaniamuru nioshe na kukausha kitanda, na nisifanye hivyo tena. Nilikubali kwa uvumilivu na nikafanya hivyo. 👉Baadaye nikaenda kwa mtoto wangu wa kati na nikafanya vivyo hivyo. Lakini mkewe naye akaghadhibika kama wa kwanza na akamwambia mumewe (yaani mtoto wangu), naye hakumkataza juu ya ghadhabu yake. 👉Kisha nikahamia kwa mtoto wangu mdogo. Nikafanya vivyo hivyo. Lakini mkewe aliponiletea chai na nikamwambia: ‘Nimekojoa kitandani.’ Akanijibu: ‘Hapana mama, usijali. Huo ni udhaifu wa uzee. Hata sisi tulikojolea nguo zetu wakati tukiwa wadogo na nyinyi mlituvumilia sana bila kulalamika wala kutufokea tena bila kutupiga.’ Akanyanyua godoro, akalisafisha, akaliosha na kuliweka manukato. Nikamwambia: ‘Binti yangu, nina rafiki yangu alinipa pesa nyingi anunue vito lakini sijui ukubwa wake, na wewe una mwili sawa naye. Nipe kipimo cha mkono wako.’ 👵Nikachukua kipimo na nikaenda sokoni. Nikatumia pesa zote nikiwa na mali nyingi nikamnunulia vito vya thamani kubwa mno. Kisha nikawaita watoto wangu wote na wake zao nyumbani kwangu. Nikaeleza kuwa yale maji niliyomwaga ktk vitanda vyao haikuwa mkojo. Nikaweka vito vyote kwenye mkono wa mke wa mtoto wangu mdogo na nikasema: ‘Huyu ndiye binti yangu wa kweli, ambaye nitamtegemea katika uzee wangu na nitamaliza maisha yangu naye.’ Mke wa kwanza na wa kati wakashangaa sana na wakajuta kwa uchungu. Nikawaambia watoto wangu: ‘Hivi ndivyo watoto wenu watakavyowarudishia mkizeeka. Jiandaeni kwa majuto makubwa, kama nilivyopata majuto kwa tabu niliyoipata nikiwa nikiwaangalia mlipokuwa wadogo. Isipokuwa ndugu yenu mdogo, yeye ataishi kwa heshima na furaha, na atakutana na Mola wake akiwa ameridhika. Hilo ndilo wake wenu wawili waliwanyang’anya kwa kutokumheshimu mama yenu.’ 🌹Mafunzo: 1.Heshima kwa wazazi ni msingi wa baraka Mzazi akipewa heshima na mapenzi, hutunuku baraka na dua ambayo ni bora kuliko mali zote. 2.Subira na wema hulipwa kwa heshima na kheri –Mke wa mtoto mdogo alipata heshima na mali nyingi kwa sababu ya subira na upole wake. 3.Uovu na dharau hubeba majuto – Wake wa watoto wakubwa walibaki na majuto na fedheha kwa sababu ya ukali wao kwa mama yao mkwe, wameshindwa kujua kwamba yeye ni mgeni kwao na ni mama wa waume zao. 4.Watoto huwarudishia wazazi walichowafanyia – Kama mzazi hakuheshimiwa, hata watoto wa hao waliowadharau hawatawaheshimu wazazi wao. Waheshimu wazazi wako katika uzee wao, kwani walikuvumilia katika udogo wako. Mama ni hazina ya thamani isiyolipika. Tabia njema na subira huacha alama kubwa na heshima ya milele. 👉Tafadhali, acha dua kwa mama yako: "Rabbirhamhuma kama rabbayani saghira." 🕌Allah awahifadhi mama zetu, na Awafanye wake wa wanaume kuwa kama mke wa mtoto wa tatu wa mama huyu. Aamii ❤️ please nifollow #Usisahau #foryoupage❤️❤️ #muslims☪️🙏☪️

MUSTAQIIM

Open In TikTok:

Region: TZ

Sunday 28 June 2026 06:09:14 GMT