@tootpy0528: ရေဦးမြို့ပေါ်ရှိ ဗိုလ်ချုပ်အောင်ဆန်းရုပ်တုကို စစ်တပ်က ညအချိန် ပြည်သူများကို အပြင်မထွက်ခိုင်းဘဲ ဘက်ဟိုးဖြင့် ဖြိုချဖျက်ဆီး ရန်ကုန်၊ ဇွန် ၂၈ စစ်ကိုင်းတိုင်း၊ ရေဦးမြို့လယ်ခေါင်ရှိ ပြည်သူလူထု ငွေကြေးဖြင့် တည်ဆောက်ထားသော ဗိုလ်ချုပ်အောင်ဆန်း ကြေးရုပ်ကို အကြမ်းဖက် စစ်တပ်က ညသန်းခေါင်အချိန် ဘက်ဟိုးဖြင့် ဖြိုဖျက်ခဲ့ကြောင်း ရေဦးမြို့နယ် အနောက်ခြမ်းဇုံ သတင်းဆက်သွယ်ရေးတာဝန်ခံ ထူးခန့်ဇော် (အမေ့သား) က ရန်ကုန်ခေတ်သစ် သတင်းဌာနထံသို့ ပြောဆိုသည်။ ယနေ့ ဇွန်လ ၂၈ ရက်နေ့ နံနက် ၁၂ နာရီ ၃၀ မိနစ်ခန့်တွင် ရေဦးမြို့၊ အောင်မင်္ဂလာရပ်ကွက် မြို့မရဲစခန်း အရှေ့ဘက်ရှိ ဗိုလ်ချုပ်အောင်ဆန်း ကြေးရုပ်ကို အကြမ်းဖက် စစ်တပ်၊ ရဲ နှင့် Non CDM စည်ပင်ဝန်ထမ်းများက ဘက်ဟိုးဖြင့် ဖျက်ဆီးခဲ့ခြင်းဖြစ်သည်။ "အခုလို ဖြိုချဖျက်ဆီးတာကို စစ်ကော်မရှင်လက်ပါးစေ ရေဦးမြို့ပေါ် (Non CDM) စည်ပင်အဖွဲ့တို့နဲ့ စစ်တပ်၊ ရဲတွေ ပူးပေါင်းပြီး လုပ်ဆောင်တာလို့ သိရပါတယ်။ ဗိုလ်ချုပ်ကြေးရုပ်တုရှိတဲ့နေရာက အောင်မင်္ဂလာရပ်ကွက် မြို့မရဲစခန်းရဲ့ အရှေ့ဘက်မှာ ရှိတယ်။ မြို့လယ်ခေါင် လို့ ပြောလို့ရပါတယ်။ ရေဦးမြို့ပေါ်ကတော့ သူတို့လုံခြုံရေးယူထားတဲ့နေရာ တော်တော်များပါတယ်" ဟု ကိုထူးခန့်ဇော်က ပြောဆိုသည်။ ဗိုလ်ချုပ်အောင်ဆန်း ကြေးရုပ်ကို ၂၀၁၈ ခုနှစ် ဇွန်လ ၁၀ ရက်နေ့တွင် ရေဦးမြို့ပေါ်မှ ပြည်သူလူထု၏ လှူဒါန်းမှုဖြင့် တည်ဆောက်ခဲ့ခြင်းဖြစ်ပြီး အကြမ်းဖက် စစ်တပ်က ယနေ့ ဖြိုချဖျက်ဆီးခဲ့ခြင်းဖြစ်သည်။ ရေဦးမြို့နယ်ပြည်သူ့ကာကွယ်ရေးအဖွဲ့ (ပကဖ) က “ဗိုလ်ချုပ်အောင်ဆန်း၏ ကြေးရုပ်တုများကို တစ်မြို့ပြီးတစ်မြို့ ဖျက်ဆီးနေခြင်းသည် ပြည်သူလူထု၏ သမိုင်းအမွေအနှစ်နှင့် အမျိုးသားဂုဏ်သိက္ခာကို မလေးစားသည့် လုပ်ရပ်ဖြစ်ပြီး ယဉ်ကျေးမှုတန်ဖိုးများကိုပါ ထိခိုက်စေသည့်အတွက် ပြင်းထန်စွာ ရှုံ့ချအပ်ပါသည်။ သမိုင်းကို ဖျက်ဆီးခြင်းဖြင့် အမှန်တရားကို ဖျောက်ဖျက်နိုင်မည်မဟုတ်ကြောင်းလည်း အလေးအနက် သတိပေးလိုပါသည်။”ဟု ကြေညာချက်ထုတ်ပြန်သည်။ အကြမ်းဖက်စစ်တပ်က နိုင်ငံတစ်ဝန်းတွင် ဗိုလ်ချုပ်အောင်ဆန်းရုပ်တုများကို ဆက်တိုက် ဖယ်ရှား ဖြိုချမှုများ ဆက်တိုက်ပြုလုပ်လျက်ရှိသည်။ အလားတူ ၂၀၂၆ ဇွန်လ ၉ ရက်နေ့ ည ၉ နာရီဝန်းကျင်အချိန် စစ်တပ်နှင့်စည်ပင်တို့က တောင်ငူမြို့ပေါ်ရှိ ဗိုလ်ချုပ်အောင်ဆန်းရုပ်တုကို ကရိန်ကားများဖြင့် လာရောက်ဖျက်ဆီး သယ်ဆောင် ဖယ်ရှားခဲ့သည်။ အလားတူ ၂၀၂၅ ခုနှစ်ဇူလိုင်လ ၂၈ ရက်နေ့ နံနက် ၀၀ နာရီ ၃၀ မိနစ်ဝန်းကျင်အချိန် ကလည်း နေပြည်တော် ပုဗ္ဗသီရိမြို့နယ်၊ သံလွင်လမ်းနှင့်ဇော်ဂျီလမ်းအကြား၊ ပုဗ္ဗဈေးအနီးတွင် ထားရှိထားသော ဗိုလ်ချုပ်အောင်ဆန်းကြေးရုပ်တုကို စစ်တပ်က ကရိန်ကားများ၊ ဘက်ဖိုးကားများဖြင့် ဖယ်ရှားသွားခဲ့ပြီး ရုပ်တုထားရှိသော စင်ကိုပါ ဖြိုချဖျက်ဆီးခဲ့သည်။ ၂၀၂၅ ခုနှစ်ဩဂုတ်လ ၇ ရက်နေ့ ပဲခူးတိုင်း၊ ပဲခူးမြို့လယ်ခေါင်ရှိ ဗိုလ်ချုပ်အောင်ဆန်း ကြေးရုပ်တုကို စစ်တပ်က ညအချိန် မီးများဖြတ်တောက် အမှောင်ချ၍ ဖယ်ရှားဖျက်ဆီးခဲ့သည်။ ၂၀၂၅ ခုနှစ် နိုဝင်ဘာလ ၁ ရက်နေ့ ညပိုင်း ပုသိမ်မြို့၊ ကန်သုံးဆင့် ပြည်ထောင်စုကွင်းတွင် တည်ရှိနေသော ဗိုလ်ချုပ်အောင်ဆန်းရုပ်တုကို စစ်တပ်က လုံခြုံရေးတင်းကျပ်စွာချ၍ ဘက်ဖိုး ၂ စီးဖြင့် ဖျက်ဆီးခဲ့သည်။ ထို့အတူ ၂၀၂၄ ခုနှစ် အောက်တိုဘာ ၉ ရက်နေ့ နံနက် ၁ နာရီအချိန်ကလည်း မန္တလေးတိုင်း၊ သာစည်မြို့ရှိ ဗိုလ်ချုပ်အောင်ဆန်းကြေးရုပ်တု စိုက်ထူထားသော ဗိုလ်ချုပ်ရင်ပြင်ကို မြေကော်ကားများဖြင့် ဖျက်ဆီးပြီး ရုပ်တုကို စစ်တပ်က ခမရ ၄၁၉ ထဲသို့ သယ်ဆောင်သွားခဲ့သည်ဟု သိရသည် #စစ်ကောင်စီ #generalaungsan #ဗိုလ်ချုပ်ကြေးရုပ် #minaunghlaing #tiktokmyanmar🇲🇲