ጅቡንም ብትበላው አይቆጣም ጌታ ጦሜን ውዬ አድሬ ርቦኝ ማዕድ ቀረብኩ ወጡ እየጣፈጠኝ ጣቴን እየነከስኩ ኳስ ኳስ አሳክዬ ስድስቴ ጎሰጎስኩ ሰባተኛው ስደርስ አልኩኝ እንደመጥገብ በቄንጥ መጉረስ ጀመርኩ ቀረና መስገብገብ። ስምንተኛው ጉርሻም አይከፋም ደህና ነው ዘጠነኛው ላይ ግን ጨው በዛብኝ ምነው ? ጭራሽ በአስረኛው ተረዳሁ በቅጡ ዘይትም ሽንኩርትም እንዳነሰው ወጡ። ሲርብ ወይስ ሳይርብ እስኪ ተጠየቁ!? ባቄላ መፈልፈል ጥቁር ጤፍ መናቁ። አንድ አለኝ ያለውን መቀናጆ በሬ ጅብ የገደለበት አንድ ምስኪን ገበሬ የንስሐ አባቱን እንዲህ ሲል ጠየቀ መልሱ አሉታ እንዳይሆን እየተጨነቀ። በሬዬን ጅብ ነክሶት ሳልባርከው ሞተ እንደሃይማኖቴ ግን ባይባረክም ቢርበኝ በላሁት ቢታጠፍ አንጀቴ ይሄ ሐጢያት ነወይ ይንገሩኝ አባቴ? አባም ጭራቸውን እየነሰነሱ እዝን ትክዝ ብለው ይህንን መለሱ ሳይርብ እንጂ ልጄ የራበማ 'ለታ ጅቡንም ብትበላው አይቆጣም ጌታ። ይርሳው ዘውዴ - @amharicliterature