@wanyan2649: ✍️📗-“ဘဝကို အရှုံးမပေးနဲ့” လောကကြီးမှာ မင်းရဲ့ ရည်ရွယ်ချက် ပန်းတိုင်ကို ရောက်အောင် ဆက်လက် လျှောက်နေသေးသရွေ့ မင်းဟာ မှန်တဲ့လမ်းပေါ်မှာ ရှိနေပါတယ်။ လေတိုက်တိုင်း လွင့်သွားရမယ့် သစ်ရွက် ခြောက် မဟုတ်ဘူး။ အမုန်းခံရတိုင်း ဝမ်းနည်းနေရမယ်ဆိုရင် မင်းမျက်ရည်နဲ့ပဲ လမ်းမမြင်တော့ပါဘူး။ ချောက်တိုင်း ကြောက်ရမယ်ဆိုရင် ဒီကမ္ဘာ မှာ နေစရာတောင် မရှိတော့ပါဘူး။ ကြောက်တိုင်း ပြေးနေမယ်ဆိုရင် ကမ္ဘာ့ အပြင်ဘက်တောင် ရောက်နေမယ်ထင်ပါ တယ်။ ပုံသေနည်းမရှိတဲ့ ဘဝဆိုတာ အမှားတွေနဲ့ သင်ယူရတဲ့ သမိုင်းစာမျက်နှာ တစ်ခုပဲ ဖြစ်ပါတယ်။ ဘယ်သူမှ ဒဏ်ရာမရှိဘဲ မအောင်မြင်နိုင်ပါ ဘူး။ မှားသွားလိုက် ပြန်ပြင်လိုက် လဲကျလိုက် ပြန်ထလိုက်နဲ့ပဲ လူတိုင်း ပန်းတိုင်ကို ရောက်ကြတာပါ။ အမေက လမ်းလျှောက်တတ်အောင် သင်ပေးခဲ့တယ်။ လောကကြီးက နေတတ်အောင် သင်ပေး လိမ့်မယ်။ ဘယ်လိုနေမလဲဆိုတာတော့ မင်းကိုယ်တိုင် စဉ်းစားဆုံးဖြတ်ရမှာပါ။ ငယ်ငယ်က အကြိမ်ကြိမ် ပြန်ထပြီး ဒီနေ့အထိ လျှောက်လာနိုင်ခဲ့ရင် လဲကျခဲ့တာတောင် အမှားတွေကို ပြင်၊ လိုအပ်ချက်တွေကို ဖြည့် ပြီး ပါ။ နောက်နေ့တွေထဲ ဆက်လက် လျှောက်သွား လမ်းမပျောက်စေနဲ့ ပန်းတိုင်ဆိုတာ ရောက်ကို ရောက်ပါတယ်။ မင်း ကံကောင်းနေဖို့ မလိုပါဘူး မင်း ကောင်းနေဖို့ပဲ လိုပါတယ်။ ကံကောင်းခြင်းက မင်းကို မကောင်းစေပါ ဘူး ဒါပေမယ့် မင်းကောင်းနေခြင်းက မင်းကံကိုတောင် ကောင်းလာစေပါတယ်။ ကံဘယ်လောက်ပဲ ကောင်းနေပါစေ ကြိုးစားချင်စိတ် မရှိရင် ကံဆိုတာ မင်းဘဝရဲ့ စားဝတ်နေရေးကို တာဝန်ယူပေးမှာ မဟုတ်ပါဘူး။ ဒါပေမယ့် ကံဘယ်လောက်ပဲ ဆိုးနေပါစေ ကြိုးစားချင်စိတ် ရှိနေသေးရင် မင်းရဲ့ ကြိုးစားမှုတွေကပဲ မင်းဘဝကို တာဝန်ယူပေးသွားပါလိမ့်မယ်။ ဗုဒ္ဓဘာသာဝင်တစ်ယောက်အနေနဲ့ ကံကို မယုံပါနဲ့လို့ မပြောချင်ပါဘူး။ ဒါပေမယ့် လူငယ်တစ်ယောက်အနေနဲ့ ပြော ချင်တာက— မမြင်ရတဲ့ “ကံ” ထက် မြင်နေရတဲ့ “မင်းကိုယ်တိုင်” ကို ပိုပြီး ယုံကြည်ပါ။ ကံကောင်းခြင်း ကံဆိုးခြင်းဆိုတာ မင်းရဲ့ လုပ်ရပ်တွေပေါ်မှာပဲ မူတည်ပါတယ်။ မင်းကောင်းနေမယ်ဆိုရင် မင်းကံကောင်းလာမယ်။ မင်းဆိုးနေမယ်ဆိုရင် မင်းကံဆိုးလာမယ်။ “ကျွန်တော် ဘာပဲလုပ်လုပ် ကံဆိုးနေတယ်” လို့ မပြောပါနဲ့။ မင်းပြောတဲ့ အလုပ်တွေကို ဘယ်နှစ်ကြိမ် ကြိုးစားပြီး လုပ်ဖူးလဲ? တစ်ကြိမ်လုပ်ပြီး ကံဆိုးတယ်လို့ ပြောတာ ဟာ ကံဆိုးတာ မဟုတ်ပါဘူး ပျင်းရိမှု ဖြစ်ပါတယ်။ ဘာပဲဖြစ်ဖြစ် ကံကိုပဲ အပြစ်မပုံချပါနဲ့ ကိုယ့်ကိုယ်ကိုလည်း ပြန်ကြည့်ပါ။ မင်းယုံကြည်နေတဲ့ ကံကောင်းခြင်းကြီးဟာ အပြုံးလေးနဲ့ မင်းဆီကို လာမယ့်အရာ မဟုတ်ပါဘူး။ မနက်ဖြန်တိုင်းမှာ ကံကောင်းခြင်းတွေ ရှိပါတယ်။ ဒါပေမယ့် ဒီနေ့ကို အသုံးမချနိုင်ရင် အဲဒီ ကံကောင်းခြင်းတွေ မင်းမရနိုင်ပါဘူး ......... #fypシ゚viral #fyppppppppppppppppppppppp #

🅦🅐🅝 🅨🅐🅝

Open In TikTok:

Region: MM

Sunday 28 June 2026 08:31:54 GMT