လိုအပ်သည့်အခါအသုံးပြုရန်ယတြာ(၁၅)မျိုး ၁ - အိမ်အေးချမ်းစေရန်အတွက် မြတ်စွာဘုရားကို ရေသပ်ပယ်ပေးပါ။ သောက်တော်ရေလဲပေးပါ။ ခနခနလုပ်နိုင်သလောက်လုပ်ပါ။ ၂ - မိမိအိမ်၊ရုံး၊ဆိုင်ခန်း လာဘ်ရွင်စေရန်အတွက် ကျပ်စေ့တစ်စေ့ရှာပြီး ခြသေ့်ဘက်ခြမ်းကို သံချွန်နဲ့ ''က'' လို့ရေးပြီး ကြေးဖလားတစ်လုံးတည်းထည့်၊ ရေနည်းနည်းထည့်ပြီး ဒိဝါတပတိဂါတာကို ၉ခေါက်ရွတ်ဆိုပေးပါ။ ၃ - အင်တာဗျူးဖြေဆိုမည့်သူများအတွက် မိမိရဲ့ ညာဘက်လက်နဲ့ ကျောက်စလစ်ခဲတစ်ခဲကိုကိုင်ပြီး လောကဝိဒူ ဂုဏ်တော် ကို ၁၀၈ခေါက် ရွတ်ဆို ပြီး အင်တာဗျူး ဖြေတဲ့အခါ အဆောက်အဖြစ်ယူသွားပါ။ ၄ - ယောကျ်ားအနားကပ်စေရန်အတွက် နားကပ်ရေစိမ်တိုက်ပါ။ လင်ဗန်းထဲနားကပ်ထည့် သနားခါးထည့်ရေစိမ်ထားပါ။ ၅ - အိမ်ပူအလုပ်ပူလျှင် လုပ်နိုင်ရန်အတွက် အစီမ်းရောင်ဖယောင်းတိုင် ၅တိုင် ကို ဆက်တိုက်ဧည့်ခန်းမှာထွန်းပါ။ ၆ - နှစ်ရှည်လများအိပ်ယာထဲလဲနေသော လူအမြန်ပြန်ကောင်းစေရန်အတွက် ကြက်ဥ၁၀လုံးနှင့် ကြာဇံ၁စည်းကိုလူနာ၏ အိပ်ယာဘေးမှာ ခုံလေးနဲ့ထားပေးပါ။ ၇ - အငယ်နှောင်းထားသူများကွဲကြစေရန်အတွက် ခင်ပွန်းနှင့် အငယ်နှောင်း၏ အမည်ကို စာရွက်တွင်ရေးချပြီး ဖယောင်းတိုင်မှာ ပတ်ပါ။ နံသာဖြူ နံသာနီ ကို အဆစ်ဆီဖြင့် ရောသွေးပြီး စာရွက်ပတ်ထားသော ဖယောင်းတိုင်တွင် သုတ်လိမ်းပေးပါ။ ပြီးလျှင်အိုးခြမ်းပဲ့ပေါ်တင်၍မီးထွန်းပါ။ ၈ - မိမိရွေးထားသောအိမ်ထောင်ဖက်အား မိသားစုမှသဘောတူစေရန်အတွက် ငှက်ပျောသီးအစိမ်းတစ်လုံးပေါ်တွင် သံချွန်ဖြင့် အဖျားမှအရင်းတိုင်အောင် သဘောတူစေရန် ဆုတောင်းစာရေးပြီး ငှက်ပျောသီး ကို လမ်းမှာ စွန့်ပစ်ပေးပါ။ ၉ - အရောင်းအဝယ်ကောင်း ဖောက်သည်တိုးစေရန်အတွက် ဆင်ရုပ်တစ်ရုပ်ကိုချိတ်ဆွဲထားခြင်း မိမိအလုပ် စားပွဲပေါ်တွင်တင်ထားခြင်းတို့ ပြုလုပ်ပေးရင် ဖောက်သည်ပေါ ရောင်းကောင်းစေပါတယ်။ ၁၀ - ဝင်ငွေများအဖတ်တင်စေရန်အတွက် ငါးတစ်တာတစ်ဗူးဝယ်ပြီးအဲ့ဒီဗူးပေါ်မှာ ဖယောင်းတိုင်ထွန်းပြီး ဝင်ငွေမြဲစေဖို့ဆုတောင်းပေးပါ။ ၁၁ - တနင်္လာနံပစွည်းများ ရောင်းထွက်စေရန်အတွက် နံနက် ၁၀ နာရီ အချိန်တွင် စျေးကောင်းကောင်းနဲ့အမြန်ရောင်းထွက်ဆိုပြီး သံတုတ်နှင့် ၁၃ချက်ရိုက်ပါ။ သံတုတ်မရှိလျှင် သနပ်ရွက်နှင့်ရိုက်ပါ။ ၁၂ - အင်္ဂါန ပစွည်းများရောင်းထွက်စေရန်အတွက် နံနက် ၈နာရီ အချိန်တွင် စျေးကောင်းကောင်းနဲ့အမြန်ရောင်းထွက်ဆိုပြီး ထအောင်းနှင့်၈ချက်ရိုက်ပါ။ ထအောင်း မရှိလျှင် ဒန်အိုးနှင့်ရိုက်ပါ။ ၁၃ - ဗုဒ္ဓဟူးနံ ပစွည်းများ ရောင်းထွက်စေရန်အတွက် နေ့လယ် ၃နာရီ အချိန်တွင် စျေးကောင်းကောင်းနဲ့အမြန်ရောင်းထွက်ဆိုပြီး အင်ကြင်းနှင့် ၁၂ချက်ရိုက်ပါ။ အင်ကြင်း မရှိလျှင် အကျီ်နှင့် ရိုက်ပါ။ ၁၄ - ကြာသပတေးနံပစွည်းများ ရောင်းထွက်စေရန်အတွက် နံနက် ၅ နာရီ အချိန်တွင် စျေးကောင်းကောင်းနဲ့အမြန်ရောင်းထွက်ဆိုပြီး ကန်စွန်းညွှန့်၅ညွှန့် နှင့် ၅ချက်ရိုက်ပါ။ ၁၅ - သောကြာနံပစွည်းများ ရောင်းထွက်စေရန်အတွက် နံနက် ၇နာရီ အချိန်တွင် စျေးကောင်းကောင်းနဲ့အမြန်ရောင်းထွက်ဆိုပြီး ဆလပ်နှင့် ၇ ချက်ရိုက်ပါ။ ယတြာ အစီအမံများကို ခုနှစ်ရက်သားသမီးများ မြင်တွေ့နိုင်ရန် Share လုပ်၍ ကုသိုလ်ယူကြပါရန် မေတ္တာရပ်ခံပါတယ် - @aungzawmyint1981