@yayabar99: के एउटा लेखकले पाठकको मस्तिष्कलाई विचारको क्षितिजसम्म पुर्‍याउने बहानामा संशयको यस्तो अथाह र कुइरो लागेको सुरुङभित्र अलमल्याएर अलप हुन पाउँछ? के त्रिभुवन विश्वविद्यालयका प्रोफेसर भोलन मासिक, त्यो पौवामा भेटिएका अलौकिक बाबा अगर अनन्त, रहस्यमयी रितिरस सामल, र पोस्टमार्टम केन्द्रमा लास सिलाउने लासदास एउटै छिन्नभिन्न अस्तित्वका अनेकौँ कुरुप र सुन्दर प्रतिबिम्बहरू हुन्, वा यी मानव मस्तिष्कका आफ्नै कल्पित र भयानक भ्रमहरू मात्र हुन्? यदि महबी मिका र एलिरा एउटै हुन् भने, किन एउटा रूप १४ महिनाको लिभिङ टुगेदरपछि भर्जिनिटी तोडिने र सपनाको बलात्कार पूरा हुने डरमा आफ्नै प्रेमीबाट कल्पित हत्या भोग्न तयार हुन्छ, र अर्को रूप वर्तमानको निर्मम हिंस्रक यथार्थमा आफ्नै पतिबाट हुन लागेको बीभत्स बलात्कारबाट जोगिन कैँची चलाएर भाग्छ? यदि ती बाबा र प्रोफेसरले पौवामा देखेको घाइते जर्मन सेफर्ड कुकुरको हुबहु चित्र प्रोफेसरकै छोरीले घरमा कोर्नु, र बाबाले 'यो त एलिराले सपनामा देखेर छोरीलाई सुनाएकी हुन्' भनी रहस्य खोल्नु कुन मानसिक खेलको हिस्सा हो? के भोलनले कलेजमा आफूलाई बलात्कारीको नजरले हेरेको भान गर्नु, सपनामा बलात्कार गरेको अभियोगमा पुलिस आउनु, र मेबाको बोटमा झुन्डिएर मर्नु उनको वास्तविक पतन हो कि कसैको अवचेतन मनको कुरुप परावर्तन मात्र हो? एलिरा बौलाएर हिँड्नु, पुलिसले हत्यारा खोज्न 'मिसन १४' सुरु गर्नु, र बाबा कहिले पशुपति त कहिले चर्च भौतारिनु कुन अस्तित्वको खोजी हो? के त्यो 'जित' नामको जर्मन सेफर्ड कुकुरको खुट्टामा बाँधिएको रातो टालो खसेपछि कलियुग सकिने र अस्तित्व बिलाउने बाबाको दाबी सत्य थियो, वा त्यो दरबारमा गएर कुकुर मर्नु नै सम्पूर्ण भ्रमको अन्त्य हो? एलिराले भूत र भविष्य छाडेर वर्तमानमै जिउन खोज्दा 'समय समुदाय' मा प्रवेश गर्नु, फेरि सबै कुरा बिर्सिएर पोस्टमार्टम केन्द्रमा ब्युँझनु, र आफूलाई महबी मिका दाबी गर्दै रितिरस सामल खोज्न निस्कनु कुन टाइम ट्राभलको विवशता हो? जब परेवाले खबर दिएपछि लासदासले अस्पताल पुर्‍याएका अगर अनन्तले बूढो अगर अनन्तलाई भेट्छन्, र अन्त्यमा एलिराको कैँची प्रहारबाट बनेको आँखा मुनिको र घुँडाको गहिरो घाउको खत सुरुमै भेटिएका बाबाको शरीरमा देखिन्छ, तब पीडक र पीडितको यो अनौठो चक्रव्यूहले के सङ्केत गर्छ? जब कथाको अन्त्यमा भोलन, रितिरस सामल र अगर अनन्त एउटै हुन् कि भन्ने शङ्कै शङ्का पैदा गरेर उपन्यास यत्तिकैमा सकिन्छ, तब लेखकले पाठकलाई सत्यको कुनै एउटा त्यान्द्रो दिने कष्ट किन गर्दैनन्, र किन हाम्रा हातमा केवल रित्तोपन, अलमल र उत्तरविहीन प्रश्नहरूको एउटा विशाल आँधी मात्र थमाइदिन्छन्? आखिर यो सम्पूर्ण आख्यान मानव मनको गहिरो ट्रमा र अपराधबोधको जीवन्त कलात्मक दस्तावेज हो, कि पाठकलाई एउटा अनन्त भुलभुलैयामा बन्दी बनाएर हिँड्ने लेखकको एउटा निरपेक्ष तर सुन्दर गैरजिम्मेवारी मात्र हो? #यायावरको_शब्द_संग्रहालय #पढ्ने_बानी_बसालौँ_। #उपन्यास #शब्द #goviral @pusparaj poudel @Newroad BookStore 📚 @Ashim Samip @Laxmi ❤️😪❤️ @Ⓜ️𝖒a𝖓a𝖛💖

शब्द संग्राहलय📚️📖

Open In TikTok:

Region: NP

Sunday 28 June 2026 14:51:45 GMT