عجب دستور ہے اس دنیا کا، جو ہنستا رہے وہ خوش نصیب، جو خاموش رہے وہ مغرور، اور جو رو پڑے وہ کمزور ٹھہرتا ہے۔ کاش لوگ یہ سمجھ پاتے کہ ہر مسکراتا چہرہ بے فکر نہیں ہوتا، ہر خاموش انسان بے احساس نہیں ہوتا، اور ہر مضبوط دکھائی دینے والا شخص اندر سے پتھر نہیں ہوتا۔ کچھ درد ایسے بھی ہوتے ہیں جو آنسوؤں میں نہیں ڈھلتے، کچھ زخم ایسے بھی ہوتے ہیں جو کفن سے پہلے کبھی نہیں کھلتے۔ افسوس... اس معاشرے میں احساس کی قیمت صرف اُس دن لگائی جاتی ہے جب کسی کی خاموشی ہمیشہ کے لیے خاموش ہو جائے۔ تب سب کہتے ہیں: "ہمیں اندازہ نہیں تھا کہ وہ اتنا ٹوٹ چکا تھا۔" مگر سچ تو یہ ہے کہ لوگ نشانِ زخم دیکھتے ہیں، زخم نہیں؛ لوگ انجام پر روتے ہیں، اذیت کے سفر پر نہیں۔انسان اکثر اُس دن معتبر ہوتا ہے جب وہ لوگوں کے درمیان نہیں رہتا۔ تب اس کی ہر خاموشی کو معنی مل جاتے ہیں، ہر مسکراہٹ کے پیچھے چھپا ہوا درد سب کو دکھائی دینے لگتا ہے۔ افسوس یہ نہیں کہ لوگ بے حس ہیں، افسوس یہ ہے کہ احساس بھی اب ثبوت مانگتا ہے، اور محبت بھی اکثر نقصان کے بعد یاد آتی ہے۔ یہاں لوگ حقیقت پر نہیں، حادثے پر یقین کرتے ہیں؛ جب تک درد ان کے اپنے دروازے پر دستک نہ دے، وہ دوسروں کی آہوں کو صرف الفاظ سمجھتے ہیں۔ مگر یاد رکھو، ہر خاموش انسان بے درد نہیں ہوتا، بعض روحیں چیختی نہیں... آہستہ آہستہ مر جاتی ہیں۔ ✍️ زَہْرَاء رَائِٹْس 💫 #creatorsearchinsights2026 #foryoupage #tiktokvirl #foryoupage #followformorevideo - @zahra_72110