@qazaqstan.tv_: ❓ Қазақстан мен Еуропалық Одақ: Не аламыз, не береміз? Мемлекет басшысы Еуропа Кеңесінің Президенті Антониу Коштаның арнайы шақыруымен Брюссельге ресми сапармен барды. Еуропа көшбасшыларымен кездесу барысында Президентке ерекше ілтипат көрсетіліп, еркін диалог өрбігенін аңғаруға болады. Қазақстан мен Еуропа одағы елдері арасында жаңа әуе рейстері ашылады және еліміз Францияның Airbus компаниясынан 50 ұшақ сатып алады. Алып транспортқа ие болу өте күрделі процесс әрі кезек көп. Сондай-ақ қос тарап шикізат, аккумуляторлар және «жасыл» сутегі салаларындағы әріптестікті іске асыру үшін арнайы жол картасын әзірлейді. Қазақстандық ғалымдардың Еуропаның білім-ғылымды қаржыландыратын «Erasmus+» және «Horizon Europe» бағдарламаларына қатысу мүмкіндігі кеңейді. 🔺Сонымен қатар Еуропалық инвестициялық банкі Транскаспий дәлізінің маңызды бөлігі – жол инфрақұрылымын дамытуға 150 млн еуро бөлмек. Еуропалық компаниялардың бірі ауыл шаруашылығына қажетті техникаларды өндіру жобасын қолға алса, енді бірі Жезқазған сирек металдар кәсіпорнымен бірлесіп, күкірт қышқылын қалпына келтіру және өндіру зауытын салады. 🎥 Толығырақ тілші Раушан Сайлауқызы тарқатады. 📺«Апта» бағдарламасының толық нұсқасы «Qazaqstan TV»YouTube арнасында.

«Qazaqstan» телеарнасы

Open In TikTok:

Region: KZ

Sunday 28 June 2026 15:37:17 GMT