@nyeinchan99692: မေတ္တာစစ်ရင် ဆွဲထားစရာမလိုဘူး"..... ဘာဖြစ်လို့လဲဆိုတော့.. တစ်ခုခုကို ကိုယ်က အတင်းဆွဲထားရပြီဆိုကတည်းက အဲဒီ အရာက ကိုယ့်ဆီကနေ ရုန်းထွက်ချင်နေလို့ပေါ့။ မေတ္တာဆိုတာ အပြန်အလှန် နားလည်မှုနဲ့ တည်ဆောက် ထားတာပါ။ တစ်ဖက်လူက ကိုယ့်အနားမှာ မနေချင်တော့လို့ ရုန်းနေတာ ကို အတင်းဆွဲထားရင် ဆွဲထားတဲ့သူလည်း လက်နာရသလို၊ အဆွဲခံရတဲ့သူလည်း နာကျင်ရပါတယ်။ စစ်မှန်တဲ့ မေတ္တာဆိုတာ နာကျင်မှုကို မပေးပါဘူး။ တံခါးတွေကို အကုန်ဖွင့်ပေးထားပါရက်နဲ့၊ ဘယ်မှမသွားဘဲ ကိုယ့်အနားမှာပဲ ရှိနေပေးတာမျိုးကမှ စစ်မှန်တဲ့ သံယောဇဉ် ပါ။ "ငါ့ကို ချစ်ရင် မသွားနဲ့" လို့ ကန့်သတ်ထားစရာမလိုဘဲ သူ့ အသိစိတ်နဲ့သူ ကိုယ့်အနားမှာ ရှိနေတာဟာ အဖိုးတန်ဆုံး ပိုင်ဆိုင်ခြင်းပါပဲ။ မေတ္တာစစ်ရင် ကမ္ဘာခြားနေပါစေ... သူဟာ ကိုယ့်ဆီကိုပဲ အ မြဲမျက်နှာမူနေမှာပါ။ လူတစ်ယောက်ကို တကယ်ချစ်ရင် အဲဒီလူကို သူ့ဆန္ဒ အတိုင်း လွတ်လပ်ခွင့် ပေးရဲရပါတယ်။ ကိုယ်နဲ့ရှိမှ ပျော်ရမှာမဟုတ်ဘဲ သူဘယ်မှာရှိရှိ ပျော်နေရင် ကြည့်ပြီး ကျေနပ်နေတတ်တာမျိုးပေါ့။ အဲဒီလို လွတ်လပ်ခွင့်ပေးထားတာတောင်မှ ကိုယ့်ဆီကိုပဲ ပြန်ရောက်လာတဲ့ မေတ္တာမျိုးကမှ တကယ့်ကို အနှစ်သာရရှိတဲ့ မေတ္တာစစ်ပါ။ တင်းကြပ်ထားတဲ့ နှောင်ကြိုးတွေထက်၊ လွှတ်ပေးထားတဲ့ ယုံကြည်မှုတွေက ပိုပြီး ခိုင်မြဲတတ်ပါတယ်။ မေတ္တာစစ်ရင် ဆွဲထားစရာမလိုသလို၊ မေတ္တာမစစ်ရင်လည်း ဆွဲထားလို့ မရနိုင်ပါဘူး။ ဒါကြောင့် ကိုယ့်မေတ္တာကို စစ်မှန်အောင်ပဲ ထားလိုက်ပါ၊ ကျန်တာတွေက သူ့အလိုလို ဖြစ်လာပါလိမ့်မယ်..#crd .#fyp .#tiktok

2026-06-28 23:08:20

To see more videos from user @nyeinchan99692, please go to the Tikwm homepage.