@dailyreposts05: الخسارة دي مش ضعف، الخسارة دي هي قمة النضافة والأصول اللي اتربيت عليها. أصعب مواجهة ممكن تقع فيها، لما تلاقي نفسك في نقاش مع حد هان عليه كل شيء، وبدأ يهاجمك ويظلمك بكل بجاحة، وأنت قاعد باصص في عينه ومعاك السكاكين اللي تدبحه، معاك الأسرار والعيوب والمشاكل اللي لو نطقتها في ثانية هتهد كبريائه وتخليه ميسواش نكلة قدام نفسه وقدام طوب الأرض.. بس تلاقي نفسك سكتّ! سكتّ ولميت كلامك، وبلعت قهرتك ونبضات قلبك السريعة، ورضيت تطلع أنت الخسران والغلطان في نظرهم، بس مطلعش قليل أصل. الوجع الحقيقي مش إن الحق ضاع؛ الوجع إنك بتكتشف إن الوش اللي أنت استثنيته، وحاربت عشانه، وشيلت من قوتك ونومك وصحتك عشان تبني معاه أحلامك وتجمع جهاز بيتك حتة حتة بدم قلبك.. طلع في ثانية وش غريب ومعندوش ريحة الأصول! كان مستعد يدوس على كرامتك ويهينك ويطلعك مكسور، وأنت في عز قهرتك بليل والسواد مالي تحت عينك من كتر التفكير، كنت بتصونه وبتحمي عيوبه ومشاكله من لسانك.. طلعت العشرة بتهون عليهم عادي جداً بدم بارد، وأتاري كل كلامهم في الأول كان مجرد انبهار رخيص ورايح، وكنت مجرد فترة سدت خانة في وقت فراغهم ولما لقطوا البديل في بحر زحمتهم اتخلوا عن الإنسانية في ثانية! بس خلاص.. السكوت في اللحظة دي مكنش عجز، السكوت ده كان لحظة وفاة الشخص القديم اللي كان متمسك بيهم. طالما هانت عليهم أيامنا وصحتي اللي اتصفت، وهان عليهم يظلموني لمجرد إني صنت أسرارهم.. تهون علينا سلامة العِشرة الكدابة لآخر يوم في عمري. أنا ديرت ضهري، ولميت كرامتي ونضافتي اللي خسارة في الوشوش دي، وقفلت الباب ده بالحسم كله. روّحي بالسلامة للي شبهك، ومبروك عليكي المكسب الرخيص اللي واقِف على قلة الأصل.. وافتكري كويس، الراجل الجدع اللي صانك بدم قلبه وحمى ضهرك وأنتِ بتدبحيه، أنتِ بإيدك خسرتيه.. وسيبتِ نفسك لدنيتك، وعايشة باقي عمرك بندم.. ملوش علاج. #ريبوست

𝐉𝐔𝐒𝐓 . 𝐑𝐄𝐏𝐎𝐒𝐓

Open In TikTok:

Region: EG

Sunday 28 June 2026 18:42:56 GMT