Yadda Ƙungiyar Triple R Kannywood Ta Gana Da Hon. Abba Bichi A Majalisar Ƙasa Ƙungiyar Triple R Kannywood, ƙarƙashin jagorancin Sarkin Waƙar Ƙasar Hausa, Alhaji Dauda Kahutu Rarara, ta kai ziyara ga Hon. Abba Bichi a Majalisar Ƙasa domin jin halin da ake ciki kan batun tsaro, da kuma ƙoƙarin da gwamnatin tarayya ke yi wajen inganta rayuwar al’umma ta fannoni daban-daban. A yayin ganawar, Hon. Abba Bichi ya yi wa tawagar cikakken bayani kan matakan da gwamnati ke ɗauka wajen magance matsalolin tsaro tare da haɗin gwiwar hukumomin tsaro, domin tabbatar da zaman lafiya da kare rayuka da dukiyoyin al’umma. Haka kuma, ya yi bayani kan ayyukan ci gaba da ake aiwatarwa, musamman gina da gyaran tituna, bunƙasa ababen more rayuwa, da sauran ayyukan raya ƙasa da gwamnatin tarayya ke gudanarwa domin sauƙaƙa zirga-zirga, haɓaka tattalin arziki, da inganta rayuwar al’umma. A nasa jawabin, Alhaji Dauda Kahutu Rarara ya yaba da ƙoƙarin gwamnati wajen aiwatar da waɗannan ayyuka, tare da tabbatar da cewa ƙungiyar Triple R Kannywood za ta ci gaba da amfani da fasaha da kafafen yaɗa saƙo wajen wayar da kan jama’a, ƙarfafa haɗin kai, da mara baya ga duk wani yunkuri da zai kawo zaman lafiya da ci gaban Najeriya. A ƙarshe, tawagar ta gode wa Hon. Abba Bichi bisa kyakkyawar tarba da bayanan da ya yi, tare da addu’ar Allah Ya ci gaba da ba shugabanni hikima da ikon tabbatar da zaman lafiya, tsaro, da ci gaba mai ɗorewa a faɗin ƙasar nan.@Dauda Kahutu Rarara @Aishatulhumairah @AL-HIKIMAH - @sabiu_sb