တရားမဟောမှီ ဓမ္မာသနပလ္လင်ထက်မှ #ပလ္လင်ဖွင့်ဘုရားရှိခိုးဂါထာတော် ဟို…အရင်တစ်ချိန်က #ကချင်ပြည်နယ် $ဗန်းမော်မြို့၊ ခိုကျင်ကျေးရွာ #ဂုဏဝိသိဋ္ဌပူဇာညချမ်းကာလဓမ္မသဘင် “” ပလ္လင်ဖွင့်ဘုရားရှိခိုး “” 🪷🪷🪷🪷🪷🪷🪷🪷 ဝနေ ဇာတောစ ဥပ္ပန္နော၊ ဝနေ နိဗ္ဗူတိ ယောဇိနော။ ပရမေတံ သမာဒေတိ၊ တံ နမေ နရပုင်္ဂဝံ။ ~~~~~~~~~~~~~~~~~~~~~~~~~~~~~ ယော ဇိနော= ဒေဝ ပုတ္တ ကိလေသနှင့် ခန္ဓမစ္စု အဘိသင်္ခါရ ငါးဖြာသော မာရ်ယုတ်တို့ကို သုတ်သင်ပယ်ရှင်း အောင်မြင်တော်မူခဲပါသည့် အကြင်ဘုရားရှင် ကိုယ်တော်မြတ်ကြီးသည်။ ဝနေစ= ပွင့်မျိုးစုံညီ လုမ္ဗိနီသာမော အင်ကြင်းတောအရပ်၌။ ဇာတော= ဘွဲ့ဖြူပုဆိုး ဗြဟ္မာတွေ ထီးလုပ်၍မိုးပါလျက် ကမ္ဘာတစ်ဝန်းမှာ ဟိုးဟိုးကျော်အောင် ဖွားမြင်တော်မူခဲ့ပါပေ၏။ သော ဇိနော= ဒေဝ ပုတ္တ ကိလေသနှင့် ခန္ဓမစ္စု အဘိသင်္ခါရ ငါးဖြာသောမာရ်ယုတ်တို့ကို သုတ်သင်ရှင်းလင်း အောင်မြင်တော်မူခဲ့ပါသည့် ထိုဘုရားရှင်ကိုယ်တော်မြတ်ကြီးသည်။ ဝနေစ= ညောင်ဗုဒ္ဓဟေ ပလ္လင်ဗွေထက် တည်နေကိန်းဝပ်တော်မူသော ထိုတောအုပ်၌ပင်လျှင်။ ဥပ္ပန္နော= ရွှေမဂ္ဂင်ဖောင်ဝယ် အောင်လံတော် ဉာဏ်ဖွင့်၍ အရံသင့် ဘုရားအဖြစ်သို့ ရောက်ရှိတော်မူခဲ့ပါပေ၏။ ဝနေစ= မာလ္လာမင်းတို့၏ ရဂုံသာမော အင်ကြင်းတော အရပ်၌သာလျှင်။ နိဗ္ဗူတိ= များစွာသောသူတို့၏ အားကိုးအားထားရာတစ်ဆူ ဖြစ်တော်မူသော ဘုရားရှင်ကိုယ်တော်မြတ်ကြီး ခန္ဓပရိနိဗ္ဗာန် ဝင်စံချုပ်ငြိမ်း ရုပ်သိမ်းတော်မူခဲ့ပါပေ၏။ ပရမေဝ= ရာဟုလာသား ပမာထား သကဲ့သို့ တစ်ခြားတစ်ခြားသော ပုဂ္ဂိုလ်သတ္တဝါတွေကိုလည်းပဲ။ တံ= တောအုပ်ရှိနေချင်းအမှုကို။ သမာဒေတိ= ကောင်းစွာဆောက်တည်စေတော် မူခဲ့ပါပေ၏။ နရပုင်္ဂဝံ= လူနတ်ဗြဟ္မာသတ္တဝါတို့၏ ခေါင်းဆောင်ရှေ့သွား ဖြစ်တော်မူပေထသော။ တံ= ထိုဝနဝါသီ ဘာဂီဓလေ့ ကြည်ရွှင်မွေ့သည့် ဘုရားရှင် ကိုယ်တော်မြတ်ကြီးကို။ အဟံ= တရားဟောမည်စိတ်ကရည်၍ ကြံစည်အားထုတ် ဝိသုဒ္ဓ ဟု နာမသမုတ် အကျွန်ုပ်သည်။ မယံ= ဘုရားဖြစ်တော် အောင်းမေ့ မျှော်၍ ဗုဒ္ဓါနုဿတိ ဘာဝနာ ပွါးများကာနေကြသည့် တရားနာ ကြွလာကြကုန်သော ဆွေတော် မျိုးတော် ပရိသတ်မည်ခေါ် ဘုရားတပည့်တော် တပည့်တော်မတို့သည်။ ဝန္ဒေ-ဝန္ဒောမ= အများသူငှါ ဘေးရန်ကွာ၍ ကျန်းမာစေကြောင်း ဆုမွန်တောင်းလျက် ချမ်းသာစေကြောင်း ဆုမွန်တောင်းလျက် ဗုဒ္ဓဂုဏ်တော် မှန်းကာမျှော်၍ ယုံကြည်မြတ်နိုး လက်စုံမိုးကာ ရှိခိုးကန်တော့လိုက်ပါ၏ အရှင်ဘုရား.....။ သာဓု………………..သာဓု……………….သာဓု - @user2613915785870