@sehid_edil_edilzade: Sənin yoxluğun ikimizin də həyatında heç dolmayacaq bir boşluq buraxdı. Mən səni sevib itirdim, qızımız isə səni heç görmədən sevməyi öyrəndi. Mən səninlə yaşadığımız xatirələrə sığınıram, o isə heç yaşaya bilmədiyi xatirələrin həsrətini çəkir. Hər gün böyüyür, hər gün bir az da atasını tanımaq istəyəcək yaşa yaxınlaşır. Mən ona səndən danışıram, şəkillərini göstərirəm, səsini xatırlamağa çalışıram ki, qəlbində heç görmədiyi atasına aid bir boşluq bir az da olsa sevgi ilə dolsun. Amma bilirəm ki, heç bir şəkil, heç bir söz onun sənin əlindən tutmasını, boynuna sarılmasını, “ata” deyə səslənməsini əvəz edə bilməz. Yaşaya bilmədiyimiz o qədər an var ki… Onun ilk addımları, ilk sözü, ilk ad günü, ilk məktəb günü… Mən hər dəfə bunları yaşayanda ürəyimdən yalnız bir cümlə keçir: “Kaş sən də burada olaydın.” Qızımız atasının necə güldüyünü, onu necə qucaqlayacağını, saçlarını necə oxşayacağını heç vaxt bilməyəcək. Bəlkə də ən ağır həsrət, heç tanıya bilmədiyin bir insanın yoxluğunu ömür boyu hiss etməkdir. Mən səni xatırlayıb darıxıram, qızımız isə heç yaşaya bilmədiyi ata sevgisinin həsrəti ilə böyüyür. Biz ikimiz də səni gözləyirik… Sadəcə ikimiz də bilirik ki, bu gözləntinin bir sonu yoxdur.Və biz gün keçdikcə Səni daha çox sevirik Atamız❤️#elbetbirgün #ata #menimatamqehramandir

Şəhid Ədil Ədilzadə

Open In TikTok:

Region: AZ

Monday 29 June 2026 06:50:18 GMT