@.kwet.kwee: ဆိုဗီယက်ပြည်ထောင်စုပြိုကွဲခြင်း ========== (ပထမပိုင်း) ကမ္ဘာ့ပထမဆုံးသောကွန်မြူနစ်နိုင်ငံဖြစ်သည့် လီနင် (Lenin)တည်ထောင်ခဲ့သောဆိုဗီယက်ပြည်ထောင်စုကြီး (Soviet Union)သည် ၁၉၉၁ ခုနှစ်တွင် ပြိုကွဲသွားခဲ့သည်။ထိုပြိုကွဲမှုနှင့်အတူ ကွန်မြူနစ်ဝါဒသည်လည်း ကမ္ဘာမှာ ကျဆုံးသွားခဲ့သည် ဟု ပညာရှင်များက သတ်မှတ်ကြသည်။ ထိုဖြစ်စဥ်သမိုင်းများကို ပြန်လည်ကြည့်ရှုကြပါစို့။ စစ်အေးတိုက်ပွဲ (Cold War) ~~~~~~~~ ၁၉၃၉ မှ ၁၉၄၅ ခုနှစ်အထိ ကြာရှည်ခဲ့သော ဒုတိယကမ္ဘာစစ်ကြီးတွင် မဟာမိတ်နိုင်ငံများဖြစ်သည့် ဗြိတိန်၊ ပြင်သစ်၊ အမေရိကန်နှင့် ဆိုဗီယက်ပြည်ထောင်စုတို့ ပူးပေါင်းပြီးတိုက်ခိုက်ခဲ့သောကြောင့် ဂျာမန်တို့၏နာဇီဝါဒ နှင့် ဂျပန်တို့၏ ဖက်ဆစ်ဝါဒ ချုပ်ငြိမ်းသွားခဲ့ရကာ ဒုတိယကမ္ဘာစစ်လည်း ပြီးဆုံးသွားခဲ့သည်။ ဒုတိယကမ္ဘာစစ်ပြီးဆုံးချိန်မှစတင်ကာ အမေရိကန်နှင့် ဆိုဗီယက်ပြည်ထောင်စုတို့၏ စစ်အေးတိုက်ပွဲ ပေါ်ပေါက်လာတော့သည်။ ဒုတိယကမ္ဘာစစ်၏ဒဏ်ကို ဆိုးဝါးစွာခံခဲ့ရသောကြောင့် ဗြိတိန်တွင် ဝင်စတန်ချာချီ (Winston Churchill)၏ ကွန်ဆာဗေးတစ်အစိုးရပြုတ်ကျကာ ကလီမင့် အက်တလီ ( Clement Attele)၏လေဘာပါတီအစိုးရ အာဏာရ လာလေသည်။လေဘာပါတီ၏ မူဝါဒအရ နယ်ချဲ့ကိုလိုနီစနစ်ကို မုန်းတီးသောကြောင့် လွတ်လပ်ရေးပေးရန် အပြင်းအထန်တောင်းဆိုလာကြသော ကိုလိုနီနယ်မြေအများအပြားကို လွတ်လပ်ရေးပေးခဲ့သည်။ထို့ကြောင့် ဗြိတိသျှတို့၏ နေမဝင်အင်ပါယာကြီးမှာ ပျက်သုံးသွားတော့သည်။ ဒုတိယကမ္ဘာစစ်ပြီးချိန်တွင် အောင်ပွဲရခဲ့သော်လည်း စစ်ပွဲကာလအတွင်းတွင် ဂျာမနီလက်အောက်သို့ ၃နှစ်ကျော်ရောက်ခဲ့စဥ်က ဂျာမန်တို့က စီးပွားရေးကိုဖျက်စီးလိုက်သောကြောင့် ပြင်သစ်တို့သည် လွတ်လပ်ရေးပြန်ရချိန်တွင် နိုင်ငံကိုပြန်လည်ထူထောင်ရေးလုပ်ရန် အလွန်အခက်အခဲတွေ့နေတော့သည်။ ထိုသို့သောအခြေအနေများကြောင့် အမေရိကန်နှင့် ဆိုဗီယက်ပြည်ထောင်စုတို့ ကမ္ဘာ့စူပါပါဝါနိုင်ငံများ ဖြစ်လာကြသည်။ထိုအခါ အမေရိကန်သမ္မတ ထရူးမင်း (Harry Truman) နှင့် ဆိုဗီယက်ခေါင်းဆောင် စတာလင် ( Joseph Stalin) တို့သည် ကမ္ဘာ့ရန်သူများဖြစ်လာကြသည်။ သို့သော် နှစ်နိုင်ငံစလုံးတွင် အနုမြူလက်နက်များ ပိုင်ဆိုင်နေပြီဖြစ်သောကြောင့် ရင်ဆိုင်တိုက်ခိုက်ခြင်း မပြုကြဘဲ ကမ္ဘာ့နိုင်ငံငယ်များကို သူတို့၏ သြဇာခံများအဖြစ် သိမ်းသွင်းလာကြသည်။ထိုအခါ ပထမ၊ဒုတိယကမ္ဘာစစ်တို့ကဲ့သို့ ဆိုးဝါးပြင်းထန်သောစစ်ကြီးဖြစ်မလာတော့ဘဲ အေးဆေးစွာပြိုင်ဆိုင်နေကြသောကြောင့် စစ်အေးတိုက်ပွဲကာလဟုခေါ်သည်။ထိုကာလသည် ဒုတိယကမ္ဘာစစ်ပြီးသည့် ၁၉၄၅ခုနှစ်မှ ဆိုဗီယက်ပြည်ထောင်စု ပြိုကွဲသည့် ၁၉၉၁အထိဖြစ်သည်။ ဒုတိယကမ္ဘာစစ်ကြီးပြီးသည်နှင့် ဆိုဗီယက်ရုရှားခေါင်းဆောင် စတာလင်သည် ၁၉၃၉-၄၀အတွင်း ပိုလန်နိုင်ငံနှင့် စစ်ဖြစ်ချိန်က သိမ်းပိုက်ထားခဲ့သော ဘော်လတစ်နယ်မြေများ(Baltic State)ဖြစ်သည့်အက်စတိုးနီးယား(Estonia)၊ လတ်ဗီးယား (Latvia)၊ လစ်သူယေးနီးယား (Lilthuaria)၊ ဖင်လန် (Finland)နိုင်ငံများကို လွတ်လပ်သောနိုင်ငံများအဖြစ် ထူထောင်ပေးမည်ဟု ကတိပေးကာ ဆိုဗီယက်သြဇာခံရုပ်သေးအစိုးရများကိုသာ တင်ပေးခဲ့ပြီး ကွန်မြူနစ်နိုင်ငံများအဖြစ် သိမ်းသွင်းခဲ့သည်။ ဒုတိယကမ္ဘာစစ်၏ဒဏ်ကို တိုက်ရိုက်မခံစားခဲ့ရသော အမေရိကန်သည် အခြားနိုင်ငံများထက် ငွေကြေးများစွာချမ်းသာလျက်ရှိနေသည်။ထိုအခါ အမေရိကန်သည် သြဇာဖြန့်ကျက်ဖို့အတွက် သူ၏ငွေများဖြင့် စစ်ဒဏ်ခံစားရသောနိုင်ငံများကို ပြန်လည်ထူထောင်ရန် ငွေကြေးထောက်ပံ့မည့် စီမံကိန်းတစ်ခုကို ရေးဆွဲခဲ့သည်။ ထိုစီမံကိန်းကို ဂျော့မာရှယ်(George Marshall)က ရေးဆွဲသောကြောင့် မာရှယ်စီမံကိန်း (The Marshall Plan)ဟု အမည်ပေးခဲ့သည်။ မာရှယ်စီမံကိန်းဖြင့် အကူအညီပေးလိုက်သောအခါ လူ့စွမ်းစားအရင်းအမြစ်ကြွယ်ဝသော အနောက်ဥရောပနိုင်ငံများသည် အချိန်တိုအတွင်း ပြန်လည် ကြွယ်ဝလာခဲ့ကြသည်။မာရှယ်စီမံကိန်းအရ အနောက်ဥရောပနိုင်ငံများကို ထောက်ပံ့ခဲ့သော ပမာဏသည် ဒေါ်လာ ဘီလီယံ ၁၃၀၀၀ (US$13000 billion) ဖြစ်သည်။အမေရိကန်အစိုးရသည် ငွေကြေးချို့တဲ့ဆင်းရဲသော အရှေ့ဥရောပနိုင်ငံများကို မာရှယ်စီမံကိန်းဖြင့် အကူအညီပေးရန် ကမ်းလှမ်းခဲ့သော်လည်း စတာလင်က လက်မခံခဲ့ပေ။ ဒုတိယပိုင်း၌ဆက်လက်ဖတ်ရှုပါရန်

💙💙💙 KWET KWEE 💙💙💙

Open In TikTok:

Region: MM

Monday 29 June 2026 07:28:14 GMT