بد لتا وہ ہے جس نے محبت کو صرف چہروں تک محدود رکھا ہو جسے آنکھوں کی خوبصورتی نے متاثر کیا ہو جسے رنگت، لہجے اور ظاہری دلکشی سے عشق ہوا ہو۔ ایسی محبت وقت کے ایک جھونکے سے بکھر جاتی ہے کیونکہ صورتیں بدلتی ہیں، موسم بدلتے ہیں، اور ظاہری کشش بھی ایک دن ماند پڑ جاتی ہے مگر جو محبت روح سے ہو، وہ نہ وقت کی محتاج ہوتی ہے، نہ فاصلے اُس کا راستہ روک سکتے ہیں۔ وہ دل کے اُس گوشے میں بسیرا کر لیتی ہے جہاں دنیا کی کوئی تبدیلی اثر نہیں کرتی روح سے محبت کرنے والے چہرے نہیں پڑھتے، احساس پڑھتے ہیں۔ وہ لفظوں سے زیادہ خاموشیوں کو سمجھتے ہیں اور ملاقاتوں سے زیادہ دعاؤں میں ساتھ نبھاتے ہیں ایسی محبت میں جدائی بھی محبت کو کم نہیں کرتی، بلکہ اسے اور گہرا کر دیتی ہے۔ کیونکہ روح کا تعلق جسموں کا محتاج نہیں ہوتا، وہ تو دلوں کے درمیان ایک ایسا رشتہ ہوتا ہے جو نظر نہیں آتا مگر محسوس ہر لمحہ ہوتا ہے کچھ لوگ زندگی سے چلے جاتے ہیں مگر دل سے کبھی نہیں جاتے کچھ نام زبان پر نہیں آتے، مگر ہر دعا میں شامل رہتے ہیں۔ کچھ چہرے نگاہوں سے اوجھل ہو جاتے ہیں، مگر روح کے آئینے میں ہمیشہ روشن رہتے ہیں اس لیے جو روح کا قیدی ہو، وہ رہائی کی خواہش نہیں کرتا۔ وہ تو اُس محبت کو اپنی زندگی کا سرمایہ سمجھتا ہے، جو وقت کے ساتھ ختم نہیں ہوتی بلکہ ہر آزمائش کے بعد مزید نکھر جاتی ہے کیونکہ سچی محبت اختیار نہیں ایک عطا ہوتی ہے۔ اور جسے یہ عطا مل جائے، وہ پھر کسی انسان کا نہیں، ایک احساس، ایک وفا اور ایک روح کا ہو کر رہ جاتا ہے صورتوں سے جڑی محبت وقت کے ساتھ بدل جاتی ہے مگر روح سے جڑا تعلق عمر بھر اپنا اسیر رکھتا ہے جسموں کی قربت ختم ہو سکتی ہے روحوں کی وابستگی کبھی ✨رہائی نہیں پاتی #fyp #foryou #fypシ #viral #trending - @mehar_amjad2