@tiekkz: Еуропаның бірқатар елінде күннің күрт ысуы ерекше жағдайларға әкеліп жатыр. Қазір әлеуметтік желілерде аптап ыстықтан майысқан асфальт пен күнге қызған нысандардың бүлінген кадрлары кеңінен тарауда. Мамандардың сөзінше, мұндай ыстық толқындары соңғы жылдары тек жиілеп қана қоймай, күшейе түскен. Оның негізгі себебі – климаттың жаһандық өзгеруі. Бұдан бөлек, синоптиктер табиғатқа үлкен әсер ететін жаңа «Эль-Ниньо» құбылысының қалыптасуын бақылап отыр. Сарапшылардың болжамынша, жаһандық жылыну мен осындай табиғи құбылыстар алдағы уақытта ауа райының экстремалды өзгеруіне және түрлі табиғи апаттардың көбеюіне әкелуі әбден мүмкін. Біздің планетамыз жаңа климаттық кезеңге аяқ басып жатқандай. #АптапЫстық #Климат #ЭльНиньо #Экология #АуаРайы