وزیراعلیٰ خیبر پختونخوا محمد سہیل آفریدی کا صوبائی کابینہ کے اجلاس سے خطاب! سال 2025 کے آخری کابینہ اجلاس میں عوام دوست بجٹ کی تیاری پر پوری حکومتی ٹیم کو خراجِ تحسین پیش کرتا ہوں، حکومت کی اولین ترجیح عوام کی خدمت اور فلاح ہے، بجٹ میں عوامی ضروریات اور احساسات کی بھرپور عکاسی کی گئی ہے، آئندہ تین ماہ عوام کو عملی ریلیف دینے کے مہینے ہیں، عوام کا اطمینان ہی ہماری کارکردگی کا اصل پیمانہ ہے، صرف پریزنٹیشنز اور رپورٹس سے کام نہیں چلے گا، تمام اضلاع میں ترقیاتی منصوبوں کی نگرانی میں متعلقہ پارلیمنٹیرینز کی شرکت یقینی بنائی جائے، 2400 ڈاکٹرز کی بھرتیوں سے متعلق شکایات کا خود جائزہ لیا ہے، امیدواروں کو ہدایت کی تھی کہ اپنی شکایات وزیراعلیٰ کمپلینٹ سیل میں جمع کرائیں، حکومت کا فرض ہے کہ عوام کی ہر شکایت سنے، جائز شکایات کا ازالہ اور ہر امیدوار کو مطمئن کرنا ہماری ذمہ داری ہے، متعدد شکایات امیدواروں کے موبائل نمبر، نام اور پی ایم ڈی سی رجسٹریشن نمبر کی درستگی سے متعلق تھیں، میرٹ سے متعلق تقریباً 21 شکایات موصول ہوئیں، میرٹ سے متعلق شکایات کا جائزہ لیا گیا، مقررہ معیار کے مطابق بھرتیاں درست پائی گئیں، بعض امیدواروں کو بھرتی کے مقررہ معیار سے مکمل آگاہی نہیں تھی، جس امیدوار کی شکایت رہ گئی ہو، وہ ثبوت کے ساتھ وزیراعلیٰ کمپلینٹ سیل سے رجوع کرے، ہر شکایت کا جائزہ لیا جائے گا، اگر کسی امیدوار کے ساتھ ناانصافی ثابت ہوئی تو اسے انصاف فراہم کیا جائے گا، 2400 ڈاکٹرز کی بھرتیاں مکمل ہونے کے بعد بھی جائز شکایت ثابت ہونے والے امیدوار کو ایڈجسٹ کیا جائے گا، صوبے میں ڈاکٹرز کی کمی ہے، اس لیے اہل امیدواروں کو نظرانداز نہیں کیا جائے گا، بھرتی شدہ ڈاکٹرز کو جلد تعینات کیا جائے گا تاکہ عوام کو صحت کی بہتر سہولیات فراہم کی جا سکیں، عمران خان کے وژن کے مطابق شفافیت، میرٹ اور کرپشن کے خلاف زیرو ٹالرنس ہماری بنیادی پالیسی ہے، #CMKP #SohailAfridi #CabinetMeeting - @immuhammadsohailafridi