@looza256: وليه مش عارفة أنساك ولا عارفة أشيلك من حساباتي مع إن كل الأسباب بتقول إني لازم أمحي اسمك من حياتي النهاردة قبل بكرة إنت سايبني ومش بتسأل فيا ولا حتى بقيت عايزني في حياتك وعامل كل حاجة تدل إن وجودي بقى حمل عليك وبرغم كل ده لسه بحبك، ولسه مش عارفة أتخطاك ولسه قلبي بينفض بمجرد ما اسمك ييجي في بالي أنا ضاع مني كتير ومش أول حاجة تضيع مني هي إنت بس الوجع الحقيقي إنك كنت اكتر حاجة نفسي تكمل والله كنت الحاجة اللي قولت عليها دي العوض ودي النهاية ودي الأمان اللي مستحيل يروح ليه مكملتش وليه هُنت عليك بالشكل ده أنا بسأل نفسي كل يوم هو أنا قليلة في عينك للدرجة دي ولا إنت اللي قلبك مبيعرفش يشيل حنية أنا اتدمرت من بعدك وبقيت عايشة في دوامة ليه مش عاوزني أنا رغم إني كنت مستعدة أبيع روحي عشان بس أشوفك مبسوط الوجع مش بس في بُعدك الوجع في العشم اللي كان ملوش حدود، وفي الساعات اللي بقضيها ببص لصورك وأنا بموت وعاوزة أدخلك وأقولك وحشتني وحشني صوتك وحنيتك القديمة بس بفتكر إنك اخترت تنهي كل حاجة بدم بارد فبكت بكسرة وأنا حاسة إني رخصت نفسي عشان حد مستاهلش ربع الحب ده إنت قتلت أجمل نسخة فيا النسخة اللي كانت بتصدق وبتطمن وسبتني جثة عايشة بتدور على ليه في شوارع النسيان اللي مش عارفة أوصل لآخرها❤️🩹
