@hyeingyi: " သက္ကာယဒိဋ္ဌိပြုတ်အောင်ကြိုးစားပါ " ********************************** ☘️သက္ကာယဒိဋ္ဌိဆိုတာက ဘယ်မှာမှားတာလဲဆိုတော့ သက္ကာယအပေါ်မှာ မှားတာ၊ သက္ကာယဆိုတာက ခန္ဓာငါးပါး၊ အဲဒီသက္ကာယကို သက္ကာယအတိုင်းမြင်ရင် ဒိဋ္ဌိဖြစ်ရဲ့လား..? ဒိဋ္ဌိမဖြစ်ပါဘူး၊ သက္ကာယအတိုင်းမမြင်ပဲနဲ့ ပုဂ္ဂိုလ် သတ္တဝါ ငါလိုမြင်ရင် ဒိဋ္ဌိဖြစ်တယ်၊ အဲဒီဒိဋ္ဌိသည် သက္ကာယဒိဋ္ဌိ။ ☘️ရုပ်နာမ်ကို ရုပ်နာမ်ပါပဲလို့မမြင်လို့၊ ရုပ်နာမ်ကို ရုပ်နာမ်ပါပဲလို့မသိလို့၊ သဘောမပေါက်လို့ မှားတာ။ ☘️ရုပ်နာမ်ကိုရုပ်နာမ်ပါပဲလို့ မသိဘူး၊ ပုဂ္ဂိုလ် သတ္တဝါ ငါလို့သိနေတယ်၊ အဲဒီပုဂ္ဂိုလ် သတ္တဝါတွေ မမြဲဘူးဆိုတာလည်းသိနေတယ်၊ ဘာကြောင့်သိ,ကိုယ့်ရှေ့မှာသေနေကြလို့သိ။ ☘️ပုဂ္ဂိုလ်သတ္တဝါ မမြဲဘူးလို့သိတယ်၊ အနိစ္စပဲဆိုတာလည်း သိတယ်၊ ဒါပေမဲ့ ဘယ်သူ့ရဲ့အနိစ္စကို သိနေတာလဲ..? ပုဂ္ဂိုလ်သတ္တဝါတွေရဲ့အနိစ္စကိုသိနေတာ၊ အဲဒီတော့ သဿတဒိဋ္ဌိတို့၊ဥစ္ဆေဒဒိဌိတို့ စင်နိုင်ပါ့မလား..? မစင်နိုင်ဘူး။ ☘️စောစောက ခြေထောက်နာတယ်၊ အခုပျောက်သွားပြီ၊မမြဲဘူး၊ စောစောက ဒူးလေးနာတယ်၊ အခုပျောက်သွားပြီ၊မမြဲဘူး၊ စောစောက ခါးလေးကနာတယ်၊ အခုပျောက်သွားပြီ၊မမြဲဘူး။ ☘️မမြဲဘူးဆိုတာကိုမြင်ပေမဲ့ ရုပ်နာမ်ရဲ့အနိစ္စမဟုတ်တဲ့အတွက် အနိစ္စမြင်တိုင်း ဒိဋ္ဌိမပြုတ်ပါဘူး၊ အနိစ္စမြင်တိုင်း ဝိပဿနာမဖြစ်ဘူး၊ ဘာကြောင့်လဲ...? ပုဂ္ဂိုလ်သတ္တဝါရဲ့အနိစ္စဖြစ်နေလို့။ ☘️ရုပ်နာမ်ရဲ့အနိစ္စကိုမြင်မှ ဒိဋ္ဌိပြုတ်ပါတယ်၊ ရုပ်နာမ်ရဲ့အနိစ္စကိုမြင်မှ ဝိပဿနာဖြစ်ပါတယ်။ ☘️ရုပ်နာမ်ကို ရုပ်နာမ်ပါပဲလို့မမြင်ပဲ ပုဂ္ဂိုလ်သတ္တဝါ ငါလို့မြင်ရင် သက္ကာယဒိဋ္ဌိ၊ သက္ကာယဒိဋ္ဌိရှိနေခဲ့သော် ဘယ်လောက်ပဲ ဖြစ်ပျက်မြင်မြင်၊ ဘယ်လောက်ပဲ အနိစ္စမြင်မြင်၊ သဿတဒိဋ္ဌိပြတ်ရဲ့လား..?မပြုတ်ဘူး၊ ဥစ္ဆေဒဒိဋ္ဌိပြုတ်ရဲ့လား..?မပြုတ်ဘူး။ ☘️အဲဒါကြောင့် ဘုန်းကြီးတို့ပရိတ်သတ်တွေ သက္ကာယဒိဋ္ဌိသာရှေ့ကပိတ်ထားရင် နောက်က ဘာဒိဋ္ဌိမှမပြုတ်ပါဘူး၊ သက္ကာယဒိဋ္ဌိပြုတ်သွားပြီဆိုရင် ကျန်တဲ့ဒိဋ္ဌိတွေလည်း အလိုလိုပြုတ်ပါတယ်။ ကျိုက္ကလော့ဆရာတော် အဂ္ဂမဟာပဏ္ဍိတ၊ အဂ္ဂမဟာကမ္မဋ္ဌာနာစရိယ၊ ဒေါက်တာဘဒ္ဒန္တစန္ဒာဝရာဘိဝံသ ထေရဝါဒမိုးကုတ်ဓမ္မရိပ်သာ Credit : Maung Ko သစ္စာတရားများ နာကြားကျင့်ကြံ ပွါးများအားထုတ်နိုင်ကြပါစေ🙏🙏🙏 #မိုးကုတ်ဆရာတော်ဘုရားကြီး🙏🙏🙏 #ကျိုက္ကလော့ဆရာတော် #ဓမ္မစာစုများ #တရားတော်များ #foryourpagetiktok