#creatorsearchinsights #Osterreich wien څه باید وشي ؟ نه په زاریو کېږي ، نه په دعاګانو، نه په غندنو کېږي ، نه په ستاینو ، د ملک د دفاع لپاره ملي انسجام، ملي وحدت ، سیاسي بصیرت ، کورنی او نړیوال مشروعیت ، قوي اقتصاد ، قوي عقیده ،عصري وسله او عصري تعلیم په کار دی . که دا ټول سره یو ځای شي ، نو د شریر ګاونډي ؛ پاکستان د شرارتونو او رزالتونو مخه نیولای شو. خو اوس داسې هم نه ده چې دا ماشومان نه ازار لري او نه خدای ته لار؟ وخت به راځي چې د مومن خان توره به د ښامار تر ستوني رسي . زموږ مقاوم ملت یوازې څو محدودو کلونو ته اړتیا لري چې د نیمې پېړۍ د ناورین له امله د خپل وجود ټپونه ورغوي ، د یو مستحکم ، باثباته او ملي نظام پر لور ګامونه واخلي ، عصري تعرضي او دفاعي وسله جوړه او ترلاسه کړي . پنځوس کلن ناورین که له یوې خوا موږ ته سخت زیانونه راواړول ، خو له له بلې خوا یې موږ خپل یو اساسي دښمن ته ، چې د یو پټ ماین حیثیت یې درلود، متوجه کړو ، هغه مو ښه سم وپېژنده . دې ابلیس د اسلام په رنګ ځان رنګ کړی و او زموږ په وطن کې د دین ډېرو ساده پتنګانو پرې د (( مسلمان ورور)) باور کړی و، خو خبر نه وو چې: سپین لباس د پرښتو ابلیس اغوستی جاهلان وايي وارث د پیغمبر دی د اسراییلو او انګرېز د امتزاج دا نا مشروع تولید نه یوازې د افغانستان دښمن دی ، بلکې ټولې اسلامي نړۍ ته هم د یو پټ ماین حیثیت لري . هرکله چې اسراییل او انګلیس وغواړي ، د دې ماین په وسیله اسلامي نړۍ الوزولی شي ، اوس خو پرې یوازې له اسلامي نړۍ باج او خراج راټولوي، خو یو وخت به یې پرې له ګړنګه هم راګوزار کړي . افغانان خيل غچ اخلي ، که سل کاله وروسته هم وي . دا زموږ د ملت د کلتور او مزاج یوه یرخه ده. تاریخ به یې بیا وګوري. - @argh622