“Ərik mövsümüdür, gəlin bu möhtəşəm piroqu birlikdə hazırlayaq!” 🍑 🍑 ƏRİKLİ PİROQ Resept (Stəkan ölçüsü: 200 ml) (Soba listinin ölçüsü: 36×30 sm) Xəmir üçün: • 200 qram kərə yağı (əridilmiş, ilıq) • 300 qram şəkər tozu (1,5 stəkan) • 40 ml duru yağ • 6 yumurta • 360 qram xama • 1 çay qaşığı soda • 1 paket qabartma tozu • 2 paket vanil • 560 qram un (təxminən 4 stəkan + 1/3 stəkan) • 600–700 qram ərik ( zövqə görə) Ştruzel (umac) üçün: • 80 qram soyuq kərə yağı • 120 qram şəkər tozu • 130 qram un(1st) Hazırlanması: Yumurtaları şəkər tozu ilə 4–5 dəqiqə ağarıb köpüklənənə qədər çalın. Üzərinə əridilmiş ilıq kərə yağı və duru yağı əlavə edib qarışdırın. Xamanın içinə sodanı əlavə edib qarışdırın. Köpükləndikdən sonra xəmirə əlavə edin. Unu, qabartma tozunu və vanili ayrı qabda qarışdırın. Sonra hissə-hissə maye qarışıma əlavə edib spatula ilə qarışdırın. Xəmiri soba kağızı sərilmiş 36×30 sm ölçülü soba listinə yayın. Ərikləri dilimləyib xəmirin üzərinə düzün və yüngülcə xəmirə basdırın. Ştruzel üçün əvvəlcə unla soyuq kərə yağını ovub umac halına gətirin. Daha sonra şəkəri əlavə edib qısa qarışdırın və piroqun üzərinə səpin. Əvvəlcədən 180°C qızdırılmış sobada təxminən 45 -50 dəqiqə bişirin.(Mən Elifin sobasında 230-240 dər bişirdim) 📝 Qeyd: Mən bu reseptdə 1 çay qaşığı soda istifadə etdim. Piroq çox yumşaq alındı və sodanın dadı qətiyyən hiss olunmadı. Lakin soda xəmirin rəngini bir qədər tündləşdirə bilər. Əgər daha açıq rəngli piroq almaq istəyirsinizsə, sodanı istifadə etmədən yalnız 2 paket qabartma tozu ilə də hazırlaya bilərsiniz. 📌 Bu videoda istifadə etdiyim elektron məişət texnikaları ELİF Electronics markasına aiddir. ELİF məhsulları ilə tanış olmaq və əldə etmək üçün @elifazerbaijan səhifəsinə müraciət edə bilərsiniz. #foodtiktok #foodblogger #foodphotography - @kemalekerimli.82