@zoolmskin3: بقينا في زمن الكُل بسعى للحُب. في زمن بقت العلاقات تمشي بسرعة وتنتهي بسرعة أكبر، و الناس بقـت تخاف ترتاح لزول عشان ما تتوجع، لسه في بعض القلوب البتحلم بحاجة بسيطة جدًا..بُنسخة من الأمان. ما أمان البـيت ولا الأمان المادي، لكن الأمان الإنساني، البتلقاه في صـوت زول لما يقول "أنا معاك"، وفي نظرة ما فيها حسابات، وفي كلام بسيط لكن بـحتويك من غير ما تسـأل. في ناس بتـفتش عن الكمال، و عن الشخص المثالي البناسبـهم في كُل التفاصـيل. لكـن الحقيقة..؟ أجمـل العلاقات ما بيـن إتنين كاملين، قرروا يقبلوا بعض بنواقصهم، ويـحاولوا سوا كُل مرة، و كُل يوم، و في كُل مـطب. و الأمـان ما بتولد من الكلام الحـلو، بكون في التفاصيل الصغـيرة من. وصلـت البيت..؟ نمـت بدري..؟ ما تزعـل أنا هُنا. في صوتك لمن يطـمن، و من سكوتك لمن يكون مـليان فهم بدون شرح. و في كُل علاقة، بـجي يوم بتختبرك الدنيا. تشوف هل بتحب عشان الحلاوة..؟ ولا عشان الموقف..؟ هل بتصبـر ولا بتنسحب أول ما تتعب..؟ لكن النسـخة الفريدة من الأمان، هي البتخليك ما تفكر تهرب، لأنك عارف إنو الزول القاعـد جنبك ما جاء عشان يملأ فـراغ، جاء عشان يبني حـياة. الأمان ما بس إنك تكون محـبوب، الأمان هو إنك تكون مـفهوم، الزول البتفهمه ويفهـمك، حتى لو ما إتكلمتوا، بتـحسوا ببعض، بتشيلوا هم بعض، وبتضحـكوا على وجع الأيام زي أول يوم إتـقابلتوا فيه. العلاقات ما بتبني في لحظة، لكنـها بتتخلق من مواقف، من غياب إتـعالج بإعتذار، ومن زعل إنتهـى بحنيّة، و من تعـب إتشارك فيه الإتنين. الزول البتـحبه بحق، ما هو الزول البريّحك دايمًا، هو الزول البريّح روحـك حتى لما تتعب، و هو الزول البتعرف إنك ممكن تكون نفسك من غير ما تتجمّل، و من غير ما تخـاف تنكسر. الأمان دا نادر وبستاهل الإنتظار، و بسـتاهل التعب، و المحاولة المُتكررة، و إنك تقول لسه، ما إنتهينا، في كُل مرة تحس فيها إنو التـعب كتير. وفي زمن الخيبات الكتيرة، لما تلقى الزول البناديك بإسمك بحنية، ويخاف على قلبك قبل بالك، ويخليك تحس إنك كفاية. إتمسك كويس، لأنك ما لقيت حُـب. إنت لقيت وطن..♥️

کْلَمًأّتٌـ خِـفُـيِّفُـةّ

Open In TikTok:

Region: SD

Monday 29 June 2026 17:47:05 GMT