@qisqasitv: 📣 Umumiy auditoriyasi qariyb 15 million bo‘lgan blogerlar forumi bo‘lib o‘tdi 📍 Toshkent shahridagi InterContinental mehmonxonasining Trilliant biznes markazida 27-iyun – Matbuot va ommaviy axborot vositalari xodimlari kuni munosabati bilan Kontent markazi tomonidan "Kontent yaratuvchilar forumi" tashkil etildi. 🏛 Forumda Markazning bepul ta’lim loyihalarida tahsil olgan 130 nafardan ortiq vaynerlar, blogerlar, SMM mutaxassislari va mobilograflar, shuningdek, media sohasiga qiziquvchi 400 ga yaqin yoshlar tinglovchi sifatida ishtirok etdi. 🎤 Forumga spiker sifatida sifatli va foydali media kontent yaratuvchi taniqli blogerlar hamda vaynerlar taklif etildi. Ular orasida vayner Bobur Mansurov va uning jamoadoshlari Ibrat Azamatov, Sardor To‘raev, Shahriyor Baxtiyorov, "Bozorchi Elyor" taxallusi bilan ijod qiluvchi gastronomik ekspert Elyor Muxtorov, "Texnoplov" asoschisi, texnobloger Saadulla Abdullaev, aktrisa va vaynerlar Gulruh Pirnazarova hamda Mavluda Xikmatova, aktyor va vayner Badriddin Xusniddinov o‘z jamoasi bilan, jurnalist va bloger Sarvar Bahodirov, texnobloger Mirfayoz Mirxalikov, sayohatchi bloger Mirfayoz Mirbabayev, rassom va bloger Javlon Hasanov ishtirok etdi. 📱 Mazkur ijodkorlar ijtimoiy tarmoqlarda umumiy hisobda qariyb 15 million auditoriyaga ega bo‘lib, sifatli va kreativ kontent yaratishlari bilan tanilgan. 📈 Tadbir davomida har bir spiker o‘zining muvaffaqiyat yo‘li, tajribasi, hayotiy saboqlari va motivatsion tavsiyalari bilan o‘rtoqlashdi. Shuningdek, Kontent markazining "Debyut" vaynerlik maktabi, "SMM AI-savodxon", "Yosh mobilograflar maktabi" bepul ta’lim loyihalari, "Media haftalik" hamda Aura.uz media banki taqdimoti o‘tkazildi.

Qisqasi TV

Open In TikTok:

Region: US

Monday 29 June 2026 17:49:33 GMT