@mo.ali0927: واحد من أشهر المحاليل اللي بتستخدم لتعويض حجم الدم... بس مش أي مريض ينفع ياخده! أول حاجة لازم تعرفها إن Voluven مش محلول عادي، ده اسمه Plasma Volume Expander، يعني وظيفته الأساسية إنه يزود حجم الدم اللي ماشي جوه الأوعية الدموية. بيستخدم إمتى؟ 🤔 لما المريض يكون عنده Hypovolemia، يعني فقد كمية كبيرة من الدم أو السوائل، وساعتها بنحتاج نرجع الدورة الدموية تشتغل كويس. طب ليه Voluven بالذات؟ لأنه من نوع Colloid، وده معناه إنه بيفضل جوه الأوعية الدموية فترة أطول من المحاليل العادية، فبالتالي: ✅ يرفع ضغط الدم بسرعة. ✅ يحسن وصول الدم للأعضاء. ✅ يساعد في استقرار الدورة الدموية. بس خد بالك... ⚠️ Voluven مش بديل لنقل الدم. يعني لو المريض محتاج كرات دم حمراء أو عوامل تجلط، الفولوفين مش هيعوضهم. أكبر غلطة ممكن تحصل! 🚨 الإفراط في إعطاء Voluven ممكن يخلي الجسم يتحمل سوائل زيادة، وده ممكن يوصل إلى ارتشاح على الرئة (Pulmonary Edema). علشان كده لازم الجرعة تكون محسوبة كويس، والمريض يتابع باستمرار. بيتحفظ إزاي؟ 🧊 ✔️ في درجة حرارة أقل من 25°. ❌ متحطوش في الفريزر. ❌ وابعده عن الحرارة العالية. مين مينفعش ياخده؟ 🚫 ❌ مرضى Severe Sepsis. ❌ لو المريض عنده مشاكل في التجلط أو بينزف بسهولة، لأن Voluven ممكن يقلل كفاءة التجلط ويزود النزيف. ❌ لو عنده نزيف بالمخ (Intracranial Hemorrhage). ⚠️ وكمان يستخدم بحذر مع مرضى الفشل الكبدي الشديد، ومرضى الفشل الكلوي خاصة لو المشكلة مش بسبب نقص حجم الدم. 💡 افتكر الجملة دي: Voluven بيرفع حجم الدم... لكنه مش بيعوض الدم. ودي من أكتر النقط اللي ناس كتير بتتلخبط فيها. #تمريض #رعاية_مركزة #ICU #Nursing #CriticalCare
