@.rahim.viva: كاين ناس ما يقتلوكش بالسلاح... يقتلوك بالتجاهل، بالوعود الكاذبة، وباللعب بمشاعرك. وأخطر حاجة هي كي تتعلّق بإنسان يكسرك كل يوم، ورغم هذا تلقى روحك مازال متمسك بيه. التعلّق ماشي حب ديما، مرات يكون خوف من الفراق، ولا تعود على شخص ما يستاهلكش. تولّي تستنى رسالة، وتفرح بكلمة، وتسامح على ألف غلطة، وتلقى روحك كل يوم تخسر من راحتك ومن كرامتك. الإنسان اللي يحبك ما يخليكش تعيش في الشك، وما يخليكش كل يوم تتساءل واش راك بالنسبة ليه. الحب الحقيقي يريح القلب، ما يعذبوش. ويعطيك قيمة، ما ينقصهالكش. إذا لقيت روحك تبدلت، ضحكتك نقصت، وراحة بالك راحت بسبب شخص واحد... راجع نفسك. يمكن المشكل ماشي في الحب، المشكل في التعلّق بإنسان ما يعرفش قيمة وجودك. ديما تذكر: خسارة شخص ما يحبكش، خير من خسارة نفسك وأعصابك وكرامتك. اللي يدمّرك نفسيًا، ما يستحقش يبقى في حياتك، مهما كان مكانه في قلبك.

Rahim viva

Open In TikTok:

Region: DZ

Monday 29 June 2026 23:07:22 GMT