ကိုယ်ဟာ မင်းအတွက် အရေးမပါဘူးမလား ဆိုပြီးတော့လည်း ထပ်မမေးချင်တော့ဘူး။ တကယ်တော့... အရေးမပါတဲ့သူတစ်ယောက်မို့လို့ပဲ အခုလိုမျိုး အလွယ်တကူ ပစ်ထားခြင်းခံရတာဆိုတာကိုလည်း ကိုယ့်ဘာကိုယ် ကောင်းကောင်းကြီး နားလည်သွားခဲ့ပါပြီ။ ဒါပေမဲ့လေ... ခက်တာက မင်းကို တကယ်ပဲ သိပ်ချစ်လွန်းလို့။ ချစ်လွန်းလို့ပဲ စကားတွေအများကြီး ပြောချင်နေမိတာ။ ကိုယ့်ဘက်က မင်းအနားမှာ ရှိနေချင်ရတဲ့ အကြောင်းပြချက်က တစ်ခုတည်းရယ်ပါ... အဲဒါ မင်းကို တကယ်ချစ်လို့ပါ။ မင်း တစ်ခါပဲဖြစ်ဖြစ် တွေးပေးခဲ့ဖူးလားဟင်...? အခုလိုမျိုး လျစ်လျူရှုပြီး ပစ်ထားခံရတဲ့အချိန်မှာ တစ်ဖက်လူက ဘယ်လောက်တောင် ဝမ်းနည်းပူဆွေးပြီး ငိုနေရမလဲဆိုတာကို မင်းတစ်ချက်ကလေးတောင် မတွေးပေးခဲ့ဘူးနော်။ ကိုယ့်ဘက်က တွယ်ကပ်လွန်းလို့၊ ဝမ်းနည်းလွန်းလို့ စိတ်မထိန်းနိုင်ဘဲ စကားတွေ အတင်းလိုက်ပြောမိတာကို... မင်းက 'ရန်ရှာတယ်' ဆိုတဲ့ ခေါင်းစဉ်အောက်မှာပဲ အပြစ်မြင်ခဲ့တာလေ။ ချစ်လို့ နာကျင်ရတာကို... အပြစ်တစ်ခုလို မြင်နေတဲ့ မင်းရဲ့အကြည့်တွေအောက်မှာ ကိုယ့်ရဲ့ချစ်ခြင်းတွေဟာ တန်ဖိုးမရှိတော့ဘူး ထင်ပါရဲ့။ အခုတော့... အရာရာကို နားလည်ပေးလိုက်ပါပြီ။ မင်းအဆင်ပြေမယ်ဆို နေသာသလိုနေပါတော့...။ ကိုယ်လည်းဖြစ်ချင်ရာဖြစ်...။ - @kyaw.sue.klein