ဇွန် (၃၀) ၂၀၂၆ မြန်မာနိုင်ငံကို ဖြတ်သန်းသွားတဲ့ အရှည်ဆုံးနဲ့ အန္တရာယ်အရှိဆုံး စစ်ကိုင်းပြတ်ရွေ့ကြီးရဲ့ မြောက်ဖျားပိုင်းနဲ့ တောင်ဖျားပိုင်းတွေမှာ ပြင်းအား ရစ်ချ်တာစကေး (၇) နဲ့အထက်ရှိတဲ့ အင်အားပြင်း ငလျင်ကြီးတွေ လှုပ်ခတ်လာနိုင်ခြေ အရမ်းမြင့်တက်နေတယ်လို့ ဘူမိဗေဒပညာရှင်တွေက အရေးကြီး သတိပေးချက် ထုတ်ပြန်လိုက်ပါတယ်။ ⚠️ ဘာကြောင့် အခုချိန်မှာ ပိုပြီး သတိထားသင့်တာလဲ? 🤔 နှစ် (၁၀၀) နီးပါး ငြိမ်သက်နေတဲ့ အပိုင်းများ: ၂၀၁၂ ခုနှစ်နဲ့ ၂၀၂၅ ခုနှစ်တွေမှာ စစ်ကိုင်းပြတ်ရွေ့ရဲ့ အလယ်ပိုင်း (စဉ့်ကူး-သပိတ်ကျင်း) ဘက်တွေမှာ အင်အားပြင်းငလျင်တွေ လှုပ်ခတ်ခဲ့ပြီး စွမ်းအင်တွေ ထုတ်လွှတ်ခဲ့ပါတယ်။ ဒါပေမဲ့ ပြတ်ရွေ့ရဲ့ အစွန်းနှစ်ဖက် (မြောက်ဖျားနဲ့ တောင်ဖျား) ဟာ နှစ်ပေါင်း (၁၀၀) ဝန်းကျင်လောက် ငြိမ်သက်နေခဲ့တဲ့အတွက် အခုချိန်မှာ ငလျင်အန္တရာယ် အလွန်များနေတာပါ။ ၁၉၃၀ ပဲခူးငလျင်ရဲ့ သင်ခန်းစာ: ပြတ်ရွေ့ရဲ့ တောင်ဘက်အဖျားပိုင်းဖြစ်တဲ့ ပဲခူးပြတ်ရွေ့ဟာ ၁၉၃၀ ပြည့်နှစ်က ပြင်းအား ၇.၃ နဲ့ နောက်ဆုံးလှုပ်ခတ်ခဲ့ပြီး ပဲခူးမှာ (၅၀၀)၊ ရန်ကုန်မှာ (၅၀) အသက်ဆုံးရှုံးခဲ့ရပါတယ်။ ရန်ကုန်မြို့ရဲ့ လက်ရှိအခြေအနေ: အခုခေတ် ရန်ကုန်မြို့ရဲ့ လူဦးရေ ထူထပ်မှု၊ အမြန်ဆောက်ထားတဲ့ ကန်ထရိုက်တိုက်တွေရဲ့ ကြံ့ခိုင်မှု အားနည်းချက်တွေကြောင့်သာ အင်အား (၇) နဲ့အထက် ငလျင်လှုပ်ခတ်ခဲ့ရင် အရင်ကထက် ပိုမိုကြီးမားတဲ့ ပျက်စီးဆုံးရှုံးမှုတွေနဲ့ ရင်ဆိုင်ရနိုင်ခြေရှိနေပါတယ်။ မကြာသေးမီက သတိပေး ခေါင်းလောင်းသံများ 🔔 ရန်ကုန်မြို့ဟာ ဒေးဒရဲပြတ်ရွေ့နဲ့ ရန်ကုန်မြစ်ဝအနီးက ပြတ်ရွေ့တွေရဲ့ သက်ရောက်မှုဇုန်ထဲမှာ ရှိနေပါတယ်။ ဒီ ၂၀၂၆ ခုနှစ် နှစ်စကနေ ဇွန်လလယ်ပိုင်းအထိ ရန်ကုန်မြို့အနီးတဝိုက် (ကျောက်တန်း၊ ကွမ်းခြံကုန်း) ကို ဗဟိုပြုပြီး ၄.၂ ကနေ ၅.၃ အထိရှိတဲ့ ငလျင်ငယ် (၄) ကြိမ်တောင် လှုပ်ခတ်ခဲ့ပြီးပါပြီ။ အထိတ်တလန့်ဖြစ်ဖို့ မဟုတ်ပေမဲ့ ဘေးအန္တရာယ်ဆိုတာ ကြိုတင်သတိထား ပြင်ဆင်ထားမှသာ ထိခိုက်ဆုံးရှုံးမှု အနည်းဆုံးဖြစ်မှာပါ။ မိသားစုတွေ၊ မိတ်ဆွေတွေပါ သိရှိပြီး ကြိုတင်ပြင်ဆင်နိုင်ဖို့ ဒီအချက်အလက်လေးကို အခုပဲ မျှဝေ Share ပေးလိုက်ပါဦးနော်။ DVB #earthquake #warning #sagaingfault #myanmartiktok🇲🇲🇲🇲 #foryoupage❤️❤️ 🌾🌺WHO🌺🌾 - @htunnaymoe1