@juzmedia: Түркістан облысында жантүршігерлік жол апатынан бір әулеттің бес баласы ажал құшты. Ауыл арасындағы жолда жүйткіген жеңіл көлік қас-қағым сәтте ағашқа соғылып, қақ ортасынан бөлінді. Көлік тізгінінде кәмелетке толмаған қыз отырған. Өкінішке қарай, салонда болған алты адамның тек біреуі тірі қалған. Полицейлер қылмыстық іс қозғап, тергеу жүргізіп жатыр. ⠀ Бүтін бір ауылдың үрейін ұшырған жол апаты Түлкібас ауданында болды. Ағашқа соғылған жеңіл көліктің сау-тамтығы қалмаған. Қақ ортасынан бөлініп, темірі жан-жаққа ұшыпты. ⠀ Түркістан облысы ПД баспасөз қызметі: — Қазір оқиғаның мән-жайын анықтауға бағытталған тергеу ажүргізілуде. Тергеу қорытындысы бойынша тиісті процессуалдық шешім қабылданады. Полиция жүргізушілерді жол қозғалысы ережелерін қатаң сақтауға және жолда барынша мұқият болуға шақырады. ⠀ Оқиға болған ауыл тұрғындары елді мекен ішіндегі жолда жүргізушілердің тым қатты жүретінін айтуда. ⠀ Айта кетейік, Түркістан облысында жыл басынан бері жол апатынан 100 адам көз жұмған.

Juzmedia

Open In TikTok:

Region: KZ

Tuesday 30 June 2026 09:03:34 GMT