@dr.tizazu: 👉 በዚህ ወቅት አልትራሳውንድ የልጅን የልብ ትርታ ከማየት ባለፈ በጣም ወሳኝ የሆነ አንድ ምርመራ ይይዛል። እሱም ኑካል ትራንስሉሰንሲ ወይም NT scan ይባላል። ✅ ለመሆኑ “ኑካል ትራንስሉሰንሲ (NT)” ምንድን ነው? 👉 በአጭሩ፣ በፅንሱ የአንገት ጀርባ ላይ የሚገኘውን የፈሳሽ መጠን በአልትራሳውንድ የመለካት ሂደት ነው። 👉 ሁሉም ነፍሰጡር እናቶች በመጀመሪያው የሶስት ወር የእርግዝና ጊዜያቸው (ከ11 ሳምንት እስከ 13 ሳምንት ከ6 ቀን ባለው ጊዜ) ይህንን የፅንስ ክሮሞዞም እክሎችን (እንደ ዳውን ሲንድሮም ያሉ) የመገምገሚያ ምርመራ ማግኘት ይመክራል። 🔴 ወደ አልትራሳውንድ ክፍል ስትገቢ ሐኪምሽን/ባለሙያውን ልትጠይቂያቸው የሚገቡ 2 ወሳኝ ጥያቄዎች፦ 1. የልጄ የኑካል ትራንስሉሰንሲ (NT) ልኬት ስንት ነው?” 👉 ለምን ይጠቅማል? ልኬቱ መደበኛ (Normal) መሆኑን ወይም አለመሆኑን ለማወቅ። (በአብዛኛው ከ 3 ሚሊሜትር በታች መሆኑ እንደ ጤናማ ይቆጠራል)። 2. የፅንሱ የአፍንጫ አጥንት ይታያል? 👉 ለምን ይጠቅማል? በዚህ ሳምንት የአፍንጫ አጥንት መታየት የፅንሱን ጤናማነት የሚያሳይ ሌላኛው ትልቅ ምልክት ነው። 👉 ውጤቱ ከፍተኛ ስጋት አለ ካለ፣ ልጁ የግድ ችግር አለበት ማለት አይደለም፤ ተጨማሪ ክትትል ያስፈልገዋል ማለት ብቻ ነው። 👉 ውጤቱ ዝቅተኛ ስጋት ካለ ደግሞ፣ በጣም የሚያረጋጋ መልካም ዜና ነው። 👉 ይህን መረጃ ለነፍሰጡር ጓደኞችሽ፣ እህቶችሽና ለምትወጃቸው ሁሉ አጋሪያቸው (Share አድርጊው)። ማወቅ መረጋጋትን ይሰጣል!

🩺ዶ/ር ትዕዛዙ (የማህፀን እና ፅንስ ሃኪም)

Open In TikTok:

Region: ET

Tuesday 30 June 2026 18:04:25 GMT